標題:
加強德川家康!
[打印本頁]
作者:
香腸
時間:
2011-8-25 21:16
標題:
加強德川家康!
德川家康係歷史上既地位我諗唔駛我多講大家都應該至少略知一二
佢係最後得天下者,與織田信長,羽柴秀吉共稱戰國三雄
可以睇得出佢係戰國歷史上舉足輕重,同時佢亦係我最鐘意既人物
但好遺憾,好多信長既玩家都會認為,家康比起其他英,真係好難用
好聽d既你可以話佢輔助,打手,法裝樣樣掂
但我就覺得佢飯飯都好廢
佢既定位主要為輔手,可惜佢既輔助能力遠遠不及其他輔助法英
宇佐既全圖回血+單殺能力,毛毛既全畫面範圍控埸+全埸加防,阿市既馬上回哂全條血等等
佢做打手又唔夠威力,而且豆腐......追兩追俾人反殺都係常見既事
(佢條血同羽柴係一樣,由LV1到我今朝玩到LV22同個隊友都係一樣,,想像一下打肉搏戰既羽柴,就係家康了)
法裝就..................1技好似威力不夠吧...?而且無暈技
單殺能力更係慘不忍睹,見到敵人,自己死唔去可能已經偷笑
近排為左研究呢隻英
我每次玩織田軍都會搶家康黎用(當然我實力參差,可能佢既長處我發揮唔到)
其實每個人玩家康都會覺得,佢真係3招都有用(不過說實話就3招都唔多勁)
1技加血+打人,2技輔住圍抽,3技cp,+食兵
－－－－－
先講下佢第1招 - 東照權現
呢招其實都改動過,好唔好用就見人見智
但我經過多次實戰,除非有瀧川,秀吉等等要魔傷幫殺既人同路之外,我都會最後先點呢招
最主要因係呢招太食魔,唔出回魔鋼其實係唔夠魔支持經常性用呢招
加上點左呢招,就即係其他2招技要遲d先點
呢招有咩作用呢?一係就玩法裝(雖然佢玩法裝廢廢地),用黎做輸出,一係就俾人追打果陣拎黎回血
可以就係好似上面所講,家康玩法裝真係唔勁,而前期俾人追打,通常俾人殺得好快果隻
招技好多時唔夠LV,補唔夠,最後都係送300俾人(去到LV2都係補300),但補血石已經400
而最大問題係起手問題,俾人追殺緊,你仲要舉一舉隻手先回到血,好多時俾人插多一兩野就陣亡左
好明顯佢招1技係for補人血...唔係補自己
我既建議就係,將呢招改為範圍技,大約改到落石之書咁既範圍就ok,其實再細d都唔係問題
係縮細版阿市大絕
最主要係等佢,或者隊友同人隻抽緊果陣,可以開1技,補自己血,同時扣敵人血
當然如果改到咁,威力細少少都無所謂
(不過keep住LV4 600威力都唔會過屈,因為招野耗魔大,同埋佢其他招都唔勁,反正敵人都唔會真係扣600咁多)
－－－－－
到佢既第2招 - 天羅地網
呢招曾經俾人話係令家康屹立不倒,仲未退出江湖既神技
但係我眼中,呢一招其實無上面所講咁神
唔可以話唔好用,但我唔會用神技黎形容呢招,我最多承認呢招係一招好狗既招,點都網住你
大部份角色都會有一招「暈技」,唔一定係暈,總之就係大約有果d追殺敵人既效果既技
例如信長既尖尖尖,直江既變羊,黑田既火種子等
家康既暈技就係網啦
一招暈技既價值取決於好多方面:
1.封敵人物品(最重要,人地魔水左難殺好多)
2.封技能
3.封鎖移動能力or慢人速
4.有傷害輸出
5.起手快
6.維持時間耐
等等
好多時暈技都會附帶埋傷害輸出,1招又暈又扣血,增加殺人機會
但好可惜,家康招網最大特點係無視魔免呢一點,但就無傷害,所以唔見得好過其他暈技好多
有得俾我揀,我寧願要招變羊都唔要個網,變羊起手快,變左人地咩都做唔到,靜係可以龜速咁行下行下
仲要維持時間俾網長!(5秒,網得4秒)
當然我理解到變羊要5秒係for大炎,風傷,冰書呢d魔法要慢慢扣
不過無可否認變羊比起網實用好多倍,封技封物品我唔講,靜係講起手
招網既起手真係唔快,秀吉同直江俾人追殺,變一變羊即刻安全,你夠技既仲可以反殺
相反家康俾人追,網人仲要俾人斬多一兩刀,人地係法師既,你唔單止無得反殺,你仲要開埋魔水黎走
因為人地網住仲打到你,仲出到技!
慘d既見到上杉,淺井,宮本,伊達等等,連個網都俾人破埋,真係唔知好嬲定好笑
又有時有d人,見到家康一出黎,就神反閃走,但又已經飛左網,即係個網已經廢左
(當然除左變羊,大部份暈技都係容許閃走既)
至於話網既作用唔係for你用魔殺,係專俾d打英等你網左之後狂斬,呢個先係網最神既地方
咁我唔否認網呢一點既優勢,佢4秒既強制性封鎖移動,確實係幫到德川四天王,服部呢d靠物攻既英殺人
但普遍黎講,用魔傷殺人係快過物攻,4秒既時間你要狂砌砌得死1個人,其實有困難
最大問題係,你網人,人地通常走緊,你網完,仲要用一兩秒行過去先斬到,即係個網實際得2~3秒
隊友都要行過黎斬先打到(唔同魔法書,魔傷係指定區域一click就有傷害)
井伊有1技就話可以極速斬殺,但其他打英,就算係酒井,神原,前中期都未必可以扣到網入面既人太多血
(家康幫斬果幾野就無視吧...多數都係玩甲裝,唔好太指望佢會打人打得好痛)
咁所以我建議,飛左網之後會加移動速度3秒
可以家康自己加快速度,如果唔夠既就附近一定範圍既友軍加快速度
LV1 - +10%
LV2 - +20%
LV3 - +30%
LV4 - +40%
令到d隊友get到家康飛左網,叫大家去圍佢(當然靜係佢自己一隻行快d都有唔錯既效果)
加左移動速度,除左可以爭取斬人速度之外,走佬果陣仲可以走快d,皆因家康真係幾豆腐
－－－－－
然後係佢既第3招 - 雷霆刃
其實呢招我都無咩想講,凡係被動技都有用,呢招係屬前期勁既被動技,亦都幾好用
前期靠佢食兵食cp都有唔錯效果,不過後期不及爆擊既3技,不過看在佢唔係專業打手,唔好要求咁多啦
如果佢肥得起,後期靠呢招出打裝都可以恰到d無爆擊既敏英同法英既(力英就點都唔夠抽架喇)
(坐底+48攻,有時爆多100攻出黎都唔講得笑)
唯一缺點就係家康係近攻英,有時要龜塔,出黎食兵仲要近攻咁食會增加死亡機會
個人認為唔需要改
－－－－－
最後,亦都最想佢郁既,就係佢招大技 - 三河魂
個名真係夠哂型,引用維基百科: 秀吉的質問：「德川的寶物是什麼？」家康回答：「500騎三河武士。」
德川家康生於三河地區,由細細個臣服於今川家,俾人拎去做人質
後來信長ko左肥川,松平氏得以獨立(德川家康原本叫松平元信)
之後等信長死左,再等秀吉老死埋先出人頭地
三河魂呢招加血技能絕對體驗出三河出生既家康忍耐既精神
但亦都再度遺憾,呢招大技......效果真係極度唔顯眼
有時我升到LV6寧願唔點大技住,點左前面果3技先
CD長,耗魔量多
雖然我都試過唔少次,團p開左大技之後有左優勢,但歸根究底係因為我真係用左好多次家康
呢招大技真係for成堆力英後期團p用,因為佢係回百分比血,即係力英回多d(可惜佢自己唔係力英)
好多時開開下大,隊友都未死自己就行先一步(當然我對佢做敏英無異議,因為信長同羽柴霸左力英同法英)
先講回血,今朝玩左鋪,我同信長去攻城,隻信長5000血,我已經開住大黎攻,但最後都係俾毛毛秒殺(連信長都死左)
當然我明白俾毛毛秒殺係一件好正常既事,佢大技2秒暈,之後連埋d招
但問題係我都係大技黎...點解我招大差咁多,開住大隻信長5000血都會俾佢秒
可見招大回血真係回得好慢......
至於講加速度,更加唔明顯,一隻武田已經可以令全隊行得快過你(1技only),武田仲要係熱門英
而我既經驗話俾我知,我未試過俾人地走緊,我開大追,可以追到,之後網住人地殺人果少少血既敵人
同埋呢,招大單拖開真係無用,以前好無知咁試過開住大,網住人同人隻抽,但都係輸左
人地就算抽唔嬴都,面對住家康呢隻單殺能力咁差既英,要走都唔係難事
真係要三條友或以上招大先用得划算,但5v5會戰有幾多機會?
玩一鋪無人走已經偷笑,仲要求會戰果陣其他4個隊友係齊到?
因此大技絕對係一招要加強既招式,因為佢比起好多大技都遜色好多
一定要改既有:
1.LV1回血速度由2%改為3%, LV2由3%改為5%
2.LV1移動速度由10%改為15%,LV2由15%改為25%
3.LV1開大,自己及友軍即時回復240血,LV2回400血(必要!成日開左大都即刻死,回得太慢,開黎托)
可改可唔改既有:
1.開大既時候加甲(之前有人提過話開左大好似本多咁有魔免,因為自己死左就咩都無,但我又覺得魔免屈左d)
2.加大有效範圍or全圖有效
3.CD時間(150秒似乎長左d)
毛毛有全畫面扣血+暈,加埋火計即係連食2招,家康馬上+血都唔算好過份吧?
而且LV2都係回400血,唔夠聖光彈傷害咁多
－－－－－
總結黎講,始終係而加隻家康難用,明明係大人物,但係係團戰卻淪為三流打手
如果大家覺得咁改既有問題,過屈或者有其他問題,歡迎提出,始終我玩信長既實力唔勁,可能未深入了解家康
但依我咁改,我覺得家康唔會過屈,因為佢都仲係無單殺能力
相比起宇佐,家康無單殺能力同埋全圖回血實在唔會顯得好屈機
同埋家康條血仲係同秀吉一樣,即係都係咁易俾人秒殺
純粹招大既輔助性同埋保命能力提高左,咁先襯得起家康BBS既S
(肉搏B 法術B 輔助S)
[
本帖最後由 香腸 於 2011-8-25 23:08 編輯
]
作者:
ho93526
時間:
2011-8-25 21:40
不能同意更多
大技一開就回血好好
作者:
丁丁是人材
時間:
2011-8-25 21:44
與織田信長,羽柴秀吉共稱戰國三蟲
唔好扣我分
作者:
肥仔_霆
時間:
2011-8-25 21:47
完全讚同
最強既德川
只可以保住條命
死數小完場
但係冇殺人能力
德川唔夠槍神
唔夠武田斬
血量低
打人靠3技
靠大技1技增加耐久
法裝廢
輔手得招2技
講真= =
打最上都唔夠打
作者:
Universal-R.Sky
時間:
2011-8-25 21:56
其實大技1秒回5%就太變態
反而我對毛毛單秒有家康大技既5000血信長比較有興趣
作者:
肥仔_霆
時間:
2011-8-25 22:17
德川大技固然係勁
神原本多德川 3主1齊行根本冇得死
但首死德川唔好死先啦
作者:
Dream‧楓
時間:
2011-8-25 22:21
但如果神手識玩 出甲裝 大回血 好變_ so 我覺得沒咩要改= =
作者:
bensonlau
時間:
2011-8-25 22:23
德川2技真係好強大..唔講得小T^T
作者:
[H]Louis
時間:
2011-8-25 22:57
字海
你想修改D咩? 最好用其他顏色字 方便人地睇
其實佢已經算唔錯
作者:
香腸
時間:
2011-8-26 00:28
標題:
回復 9# 的帖子
已用藍色字顯示要改的地方
作者:
神聰
時間:
2011-8-26 00:35
見到字海就唔想睇 -
E隻英2技同1技都好強了--
作者:
香腸
時間:
2011-8-26 09:49
標題:
回復 11# 的帖子
咁你可以靜係睇藍色字
我唔否認佢d技係有用
但佢係團戰入面既出埸率已經反映到佢既實用性
起手慢已經成為家康頭2招最大既缺點,大大降低佢既保命能力
本身血已經唔高,加上無強大既反擊能力,最終變成魚腩(所以先要求強化保命能力)
係我眼中,一隻有單殺能力既英,廢極有個限度,就算再少血同食兵再慢都係
$#同上杉食兵唔快,但殺人都補救到,至少殺到人都可以出裝壓
但家康無招洗兵,行出去打好多時有性命危險
至於話玩甲裝,我都認為甲裝係家康唔錯既選擇
但佢食分始終係靠3技,唔係靠洗兵,快極都唔會夠d洗兵角色快
變相佢出甲既速度都慢左
令外有個非常令人憤怒既人為因素
皆因家康玩甲裝,單殺唔到,好多時都係輔殺
網完人地最後殺到,因為玩甲裝所以令佢好難汁尾刀
有d人好醒水用放雷汁尾,又俾隊友x佢汁雞
(不過呢個純粹人為因素,唔需要多理,家康唔汁雞即係叫佢0殺無分別)
作者:
Wicked〝Moros
時間:
2011-8-26 10:15
終於睇完d字海
其實一技係範圍內加友軍血傷敵軍血就真係屈左d 不如轉做點人吧
姐係你點左落友軍到 就隻友軍嘅xxx範圍內友軍全部都加血 但唔扣敵軍血
如果你點敵軍 就比你點左果隻敵軍嘅xxx範圍內敵軍全部扣血 但唔加友軍血
↑我表達能力可能有問題 睇唔明再解
2技都幾唔錯 不過如果個網係-佢條友防好似仲好用
大技 開大果陣即時回血係幾好 不過1lv3%都還算可以 2lv5%就真係有點汗顏.... 全圖有效可行
作者:
860234720
時間:
2011-8-26 13:47
佢3技我覺得似廢
佢2技很強.沒問題
佢1技同普通扣血技一樣...但係好少扣血技單體又冇暈
一係單體暈.一係範圍扣血.........
大技的確太廢.我認為可以強化自身都唔錯
作者:
霸氣★神
時間:
2011-8-26 20:25
德川前期招1技打人好痛-.-
有幾次都用黎神汁 我
作者:
[H]Louis
時間:
2011-8-26 20:58
你咁改唔多合理同唔多平衡
補血改範圍 sm左d 就算減少補血量 都係有點屈
網 網左會加移速 屈機左d = =
如果你比人追殺 網住敵人 咁米實就得到
大技 你試下神原肥起左加c金開大技 同德川大技 無人r得佢痛
如果你話次次開大 隊友都回得太慢 你可以用1技 頂住先 如果太多隊友 需要 咁你就要早d開了
大技都加移速 所以你話網左 要加移速 重疊左 =sm
作者:
香腸
時間:
2011-8-26 22:40
標題:
回復 16# 的帖子
對於你既意見,我只你認同第1點
範圍內同時補血+傷敵確實會好勁
因為香宗都有招技係吸人血,但都係200血(當然佢有1秒暈)
家康招1技有依#13黎改可能更好
至於你話網加左速=屈機我實在唔認同
頂post我已經講左網追殺既缺點,網完再行過去斬已經浪費左d時間
逃走方面都係,網左都唔係一定走到,佢起網真係好慢,會俾人斬多2野
正常你開網走都係得好少血,俾人斬多一兩野就好大獲
飛左網自己加少少速都好合理吧?
大技就即時回血我絕對覺得要保留
當然如果隊友俾人斬緊緊係幫佢1技補左先
但如果係自己俾人斬緊,用得1技黎補血已經太遲
如果自己補左少少血先,可以增加保命能力
最後果個直頭荒誕,咁多假設
夾英係咁架啦,家康係專夾打英
咁講既平手+石川一開波殺人能力高,唔通又話唔平衡?
立花道雪綁住再俾光秀1技斬又唔得?
德川開大技幫血牛補血效果特別好係天經地義
同樣道理,佢幫少血英補一樣威力差好多
再加上家康同神原前期都唔係一隻好強勢既英
對俾面人肥得起,仲要俾人6300 C埋金,r佢唔入仲有咩好講?
如果真係咁屈既,團戰就個個都家康+2隻以上血牛
同埋又唔係難破,團戰度圍死1隻近攻既家康並唔係咩難事
反而相比之下你叫一隻家康肥得起更加有難度
作者:
bensonlau
時間:
2011-8-26 22:46
標題:
回復 17# 的帖子
香宗升爆2技有得吸400血@.@
我覺得只要2技起手細d就搞掂
作者:
Universal-R.Sky
時間:
2011-8-26 22:58
反而我覺得網改做石田2技咁網會唔會強d
作者:
king00005
時間:
2011-8-26 23:21
毛利秒5000血信點做到的..
作者:
唯一的羊
時間:
2011-8-27 00:20
其實唔洗搞咁多野,改個起手就ok
作者:
...蛹
時間:
2011-8-27 17:32
回樓主...
我極度認同汝的觀點..
其實主要有三點係家康要改
一，技能過度耗魔...
呢個係英雄定位問題..
德川係信惟一一隻技能屬於輔手型既敏英...
身為敏英但又要做輔手..加埋高消費技能..
係德川的最大漏洞
二.網技過廢及易miss問題
其實可以好似風魔招技一樣...
套用係德川的2技都可以...
一來可以造成傷害..
二來可以斷破網技..
個人認為可以網耐多一秒都好
可能有人認為二技睇落好屈...
但係技能係要同後期主力拍住打先屈..
前期幫助力低過30%
三，大技效果弱
如樓主所講..
大技即加血係一個好方法...
最好就係增加生命回復的加成的比率
以及移速...
一招好既輔助性大技係要有即時效果，好似阿市阿松大技一樣..
可惜德川的大技唔開得耐唔見效果...
仲要冇野加..cd耐
分分鐘救唔到人仲要賠命比人問候...
德川既技能同能力全部都係半桶水...
唔係主力..唔係殺人..唔係血牛..
輔手又唔係特別出色..
仲慘過2打6...
好地地一個戰國名將竟然冇人用...
建議再改強..
講完
作者:
舉起你左手
時間:
2011-8-28 14:17
建議佢3技改成新版雷切
有n%發出雷電(電卷效果)
作者:
香腸
時間:
2011-8-28 18:08
標題:
回復 23# 的帖子
但我唔建議佢4招都主動技
3技都係被動技好d
作者:
bensonlau
時間:
2011-8-28 18:23
德川打街場其實好強了...可惜暑假就黎..試完jj佬同牛牛 得閒仲要試埋光秀..冇時間試下德川
作者:
香腸
時間:
2011-9-3 19:34
咁你得閒記得試埋,用完表達下意見
作者:
條野曉轉彎
時間:
2011-9-4 13:26
如果佢改強我真係唔想再玩
德川+阿市
作者:
mIracle_3OO
時間:
2012-12-31 13:31
支持支持
作者:
霸氣_ChunG
時間:
2012-12-31 20:47
引用:
原帖由
香腸
於 2011-8-28 18:08 發表
但我唔建議佢4招都主動技
3技都係被動技好d
佢個3技系 打人個陣有?%發出類似電卷效果既法球 唔系主動技來
作者:
BLACKROCK↘
時間:
2012-12-31 23:53
不能同意更多..
我玩得川
a又唔夠人a
走又唔夠人走
回血又唔夠真田快..
真田91 1技 加埋其他1s成回成百血- -
作者:
nobul300
時間:
2013-1-2 19:12
樓主連開的幾個post 寫得太好， 我都很同意
德川技能很雞肋 (除2技) 他是最後的勝利者(歷史上)，怎可這樣
1技cd長左d，起手成半秒，用魔高... >> 18秒改15秒，-用魔，起手加快
原因: 單體傷害/回血仲要18秒起手0.5秒? 人地足利
2技ok，但我認為秒數可以好似信2咁+多少少 同出技距離加長 >> 4秒>>4.3秒 800距>900距
原因: 同樓主但我覺得問題唔大
3技沒意見 同樓主
大技要加強德川本身 (像信2) >> 開技時加德川額外生命500，護甲15 ，三河魂加成3%>5%(同樓主)
原因: 畢竟範圍唔大，德川下下跟貼著隊友混戰，但自身敏英血唔高，又一定被人針先
加成回血3%少， 力英5000血先秒回150，cd又耐，大技真係好需要改
歡迎光臨 IPvE vLan 遊戲平台|網吧系統 (https://ipve.com/bbs/)
Powered by Discuz! 6.0.0
唔好扣我分 
