IPvE vLan 遊戲平台|網吧系統 - Powered by Discuz! Board

標題: [英雄疑問] 其實新手開始玩信長應該點上手? [打印本頁]

作者: fx886 時間: 2014-5-9 15:29 標題: 其實新手開始玩信長應該點上手?

每次入親街場都成日比人秒,走都走唔切,自己技術又太廢,成日比隊友吊,搞到我好大壓力

根本好難上手.......問打信長既FD又冇心機教我,可以點做,又冇好心人肯教我

作者: SalvationA 時間: 2014-5-9 16:24

你話成日比人秒走唔切
我會建議你玩硬英
例如慶次大友神原馬場

出裝以加血加防為主
咁做未必幫到你贏但至少唔會死咁多次
然後慢慢睇人出裝玩法自然上到手

作者: ジ小天竺、 時間: 2014-5-9 18:01

RC 21906143 歡迎新手
大把人會教你只要你肯學
入前打你系邊個先

作者: fx886 時間: 2014-5-9 22:04

引用:

原帖由 SalvationA 於 2014-5-9 16:24 發表
你話成日比人秒走唔切
我會建議你玩硬英
例如慶次大友神原馬場

出裝以加血加防為主
咁做未必幫到你贏但至少唔會死咁多次
然後慢慢睇人出裝玩法自然上到手 ...

問題係有壓力....你知啦好多玩信長既都勁冇品......成日吊人
自己廢又賴落隊友度,今日玩左幾場已經比人吊到飛起

作者: fx886 時間: 2014-5-9 22:04

引用:

原帖由 ジ小天竺、 於 2014-5-9 18:01 發表
RC 21906143 歡迎新手
大把人會教你只要你肯學
入前打你系邊個先

added

作者: ジ小天竺、 時間: 2014-5-10 11:32 標題: 回復 5# 的帖子

比左你會員了
歡迎入黎

作者: S!U_SinG 時間: 2014-5-10 13:34

有意就入RC吧,有心學有心挽都歡迎,RCID:26746200

作者: Misaki_ 時間: 2014-5-10 21:08

玩d比較容易洗兵既英雄例如丹羽森蘭丸武田信玄
武田出血鋼火甲就可以玩得好爽

作者: Misaki_ 時間: 2014-5-10 21:09

新手要熟悉信長地圖裏面的裝備英雄要知道任何物品的作用

[ 本帖最後由 Misaki_ 於 2014-5-10 21:10 編輯 ]

作者: IXOXI 時間: 2014-9-24 23:38 標題: 回復 9# 的帖子

新手留名

作者: ARoMing 時間: 2014-11-14 03:03

丹羽,今村,果D,其實係入面D隊友都會教你
玩玩下就熟架啦

作者: 銘。文。﹏ 時間: 2014-12-1 20:16

問題係新手無場玩....0lv無人的...

作者: sdmwing 時間: 2015-2-8 21:07

me too 0lv無人

作者: ｜LoSeR｜BE 時間: 2015-3-23 04:13

引用:

原帖由 銘。文。﹏ 於 2014-12-1 20:16 發表
問題係新手無場玩....0lv無人的...

如果係想玩既就去7-11
用40蚊買個30日vip

作者: 兵☆JUS 時間: 2015-8-2 17:57

現時新手想玩信長真係好慘...

作者: 兵☆JUS 時間: 2015-8-2 17:58

又冇人教,又要問人借AC/開VIP

作者: Pr!de 時間: 2015-12-29 02:20

轉玩LOL啦

作者: 逆鱗牙．無 時間: 2016-1-4 01:10

我都唔明D人成日吊新手做咩!?人人都有新既時間(我而家都仲係)

作者: 有品走場9 時間: 2016-4-21 12:18

比心機啦...!!!!!!!!!!!

作者: Vito61294 時間: 2016-5-5 22:56

我覺得可以先完射手上手
不能殺人一定要吃到兵
每個人都是這樣成長過來的

作者: teddy0116 時間: 2016-6-25 17:06

嘖嘖嘖....估唔到而家仲有新手玩信長
大大話話都玩左5,6年,算係老手,教玩信長唔敢講,分享一下心得啦
個人認為首先要知道英雄定位，我就會分成5種,分別係主力,輔手,打手,殺手,控場
當然唔同人有唔同分法,但重點係你要知道你隻英對團隊有乜野作用,好似主力,最重要係後期爆發,又好似控場,主要角色係控制場面/開團戰。然後你就要知道點樣先肥得起基本收入,有3種,殺人,食兵同犒賞。最後就係要知點樣先贏到。

首先講主力啦，通常主力都係力英，新手玩主力其實唔著數,因為通常主力會係俾人重點針對。主力肥唔起,後期就會好似打少個咁，一般會由一D勁少少GE人做,因為一個好主力要反應快,食兵快。簡單D就係肥得快又捉唔到。正常情況下都係靠食兵同推塔肥起,到肥哂之後人地殺唔到,又殺到人,比較受人歡迎有武田信玄,真田幸村,本多忠勝,信長,山王,義龍等(信長,山王當然未必只擔當一個角色),適合打單路

然後輔手,擔任輔手基本上乜都包,通常有幾樣野係會由輔手做,例如爆塔/幫殺/救人,輔手通常會留兵/人頭俾主力,假如唔係爆塔肥,可以好瘦,後果就係後期一俾人就死,所以要識保命。同埋拿涅自己唔好太瘦。輔手例子有阿市,阿國,服仔,道三,平手,松久,湖衣姬等等
打手作用就係輸出,暴力輸出,通常敏英都可以做,例如槍神,稻姬,同主力最唔同就係,打手比主力易死好多,中後期作用分分鐘大過主力。但好多時到大後期會唔夠力,同肥(完裝,LV3X)，主力可以硬憾打手(大部分,暫時未搵到完裝敏夠力打例子),而且打手好依賴輔手/控場,因為到後期好多時唔控住你係殺唔到人,主力更加因為出左91而好難殺到(即使敏出91,都會好易因為走位等而殺唔到)

殺手呢個定位係好多人都會玩,信長最大魅力所在,但係亦都係最難玩得好,最常見係直江,淺井,加仔,羽柴等,作用當然係殺人,殺人有2個作用,1係自己肥,2係令人瘦,呢句好似好廢咁,但係解釋左點解有D人會刷爆彈殺人,注意有時唔係殺得多就勁,係要殺得有價值,殺隻輔手,對面隊可有可無GE係冇左第2個價值,而玩殺手好多時有幾個問題,下文再講

控場最大發揮在於團戰,主要價值在於1打多,好似毛毛出左鬼國,連得好範圍暈3秒(左右)加輸出(類似有宇美,果心),更加可以用大技效果強暈(無視魔免暈)救人;而次一點就係範圍緩速,好似正信,松久,道雪等;某D英好似鬼國信/山王我都會歸落控場英,可以決定團戰勝負

大致講左幾個定位,可能大家會有疑問,比如話你可能覺得我平時用信長做殺人多過主力WO,冇錯,以上都係定位黎姐,你完全可以用阿市做殺人英,冇問題,問題係團隊需要,而因此一D技能上搭咩都得GE英雄好似信長(憑2,3技成為百搭英)會得特別受歡迎(配落石毒泉1技法術輸出/配隱刀電刀物理輸出的殺人英/電鬼國鬼徹的控場英)有時一隻英可能會擔當唔止一個定位,好似毛毛控場+殺人,總之你要知道就係你定位自己做D乜同乜野英雄咁做會好D

一場信有一半因素勝負在於經濟差,即係人地肥定你肥,我發現好多連技OK但玩得好差GE都係因為想走殺人肥呢個路線而忽略食兵。一般黎講,殺人有300同時人地少300,如果殺得多係可以肥得起(相對),但要明白殺人都要睇經濟,如果係新手可以下載個信長接技練習圖CHECK下D數值,例如信長點爆1,2技連技配落石電(即插落石閃電1技手女)大約扣到1500-1600血,如果你目標多過呢個數,無論你連得幾好都唔會殺到,有D就係明知殺唔到都要試,最尾甚至俾人後殺返,如果唔肥,經濟差愈拉愈大更加殺唔到,而且更加容易俾人反殺,惡性循環。因此最穩定一定係食兵,新手我會建議學下點洗兵,洗兵關鍵係見光時間愈短愈好,你冇見光人地就捉唔到,食完兵即B,起碼唔會太瘦先。玩信長最易上手係學洗兵,之後學尾刀,最後學走位。如果殺人英唔食兵又殺唔到人,注定冇前途。另外補充一點就係打CP位GE人,你D CP唔食就會俾對面CP/主力食左,我見過太多打CP位唔食CP,結果打路對手可以超分鐘食兵(最後當然冇得打)因此打路GE有空閒就去C下P(C對面DP)絕對係拉開經濟好方法

最後講多少少,隻GAME係5V5,有時候睇下隊友肥唔肥,眼光唔好淨係局限係自己度,有時人地炮未必真係想炮你,有次因為隊友炮引火,5條友有3條狂追殺佢,而其他人努力輕鬆肥得起,最尾都係贏,死有時唔緊要,要死得有價值,你引到3,4條友花好耐時間殺你1次,就已經賺左。此外,呢隻GAME玩GE係爆大本,唔係個人技術,當然爆唔爆到大本同個人技術有好大關係,但想贏一定要爆塔，團戰贏左要識推塔,對面聚哂係上路下就要識推塔,而另外補充一點就係有得推650一定要推左先,因為每爆1個650全象都會+400,暫時諗到係咁多,如果有問題歡迎繼續討論下啦

以上文字組織用左個令鐘諗ONLY,所以有錯漏唔好見怪,歡迎補充
P.S.樓上講得好好呀,殺唔到人至少都要食到兵,唔係你就GG啦~~~~~P.S.2雖然我打完先見到個POST係2014年CRY

[ 本帖最後由 teddy0116 於 2016-6-25 17:15 編輯 ]

歡迎光臨 IPvE vLan 遊戲平台|網吧系統 (https://ipve.com/bbs/)