發新話題
打印

痴線架....海哥我有野報告

[Close]

痴線架....海哥我有野報告

話說我今日見朝早無野做
就諗住落街跑個步做下運動跟住食早餐
點知我去到M記門口諗住入去買野食個陣
有3-4個MK妹圍住我問我係咪海哥...
我心諗唔係下話唔通海哥會咁衰仔出面搞事入我數??
我就低住頭咁唔理佢地扮傻仔行入M記買我既醒神早餐
說時遲那時快 個3個MK妹已經拉住我隻手唔俾我入去 一直拖我去到附近既商場樓下
依個時候我忍唔住問 其實海哥得罪你地D咩???
經我尋根究底精神底下既一番追問 佢地終於講左點解要刮海哥
原來佢地就係當年海哥小學4年級班主任蓮姐既女....
不過我唔知點解就會關我事搵我啦 可能因為我靚仔得制
你知架啦當年海哥細細個已經係校草 仲好受D後生MISS阿SIR歡迎
可能因為係依樣野令佢地認錯人都唔出奇
講返正題佢地點解要刮海哥?原來就係佢響LOL入面講左句野
好似話係咩亞洲第一ADCARRY海哥是常識吧 仲好似開左個團叫咩海哥粉絲會咩聖靈殿
我當堂嚇一跳 原來就得啖笑
咩亞洲第一ADCARRY 我呸 海哥世界第一AD你地三個MK妹都唔識?
我笑左 我真係笑左 我依個身為直屬海哥親身保護隊既藍天三軍打雜主管
有咩理由可以阻止我教三個MK妹打LOL?
無錯 係無 所以我放棄買醒神早餐依個念頭 用我身上剩低既31.5帶三個MK妹去附近網吧開一粒鐘
點知去到網吧個老細話暑假同埋係上晝所以十蚊一粒
我心諗 你掠水唔洗掠咁盡?但係我都算 為左海哥既聲譽咁我就開左三部一粒俾三個MK妹打LOL
但係事關間網吧又細又焗我真係唔忍心要佢地同我迫埋一齊 我就話你地打住先 我企出面食支煙 有咩唔明唔識出裝就問我
依個時候我拎起我身上剩低既兩飛紅萬 諗起當時同海哥朗哥KAFU哥係信7盃比賽期間去網吧打比賽既日子
個陣既情況同依家一樣 都係得返兩飛紅萬 但係兩飛又點解4個人分?
海哥講左一句野 令我依一世都銘記於心 紅萬 就係男人既浪漫 兩飛四個人點會唔夠分? 難道你想我地其中兩個受到沒煙抽的痛苦?
依一句 無錯就係依一句 "男人既浪漫" 一言驚醒洛克人 我個陣就係因為依句野令我爆SEED打信7 後來更令我有上藍天最強道三既美譽
講返正題 我依家拎起其中一飛紅萬 另一飛就放返落心口個衫袋到 我利用依兩至三分鍾黎回憶我地藍天三軍既往事
我抽到一半既時候個MK妹行出黎同我講 "魚哥阿可?我地連按制都唔識 不如你入黎教我地算啦"
我就諗 算啦妹妹仔姐 就教下佢地 但係我完全唔記得入面係無位坐 連企都要好迫咁企
正當我諗緊辦法既時候 頭先行出黎同我講野個MK妹就主動咁話叫我坐落去先 佢再坐我大脾
身為正人君子既我緊係"令頭"話唔得 但係佢按個網吧選單出黎話得返唔夠半個鐘
咁我就算啦 唉 無謂又哂自己錢又哂自己時間 咁我就坐低俾個MK妹坐上黎我大脾 諗住拿拿林完事算數
開頭都好地地 我捉住佢隻手教佢點樣甩槍 甩槍即係ADC最基本既野 唔識甩槍唔好話你識玩AD 你基本上連艾希都唔好買 因為你唔識玩
但係之後個MK妹就得寸進赤 係咁話好熱除左佢件面衫 我心諗 X你 你咪得返件背心仔係到? 不過佢又係 咁熱著咁多衫又係抵佢死
佢話要保護我呀魚哥~唔好俾人望到我件小背心~~ 咁我就話唉得啦爽手教埋你我要返屋企啦點知佢除左件面衫都唔夠 仲要係到誘惑我 用佢對巨峰提子雪利茶係咁響我面前FING 我唔知佢係咪串緊我依家無哂錢買水飲定係其他意思
依個時候我就扯哂火咁話 算啦你走啦 你根本唔配做我地既朋友
講完之後我頭也不回地咁走出間網吧 再點起我剩低最後一支"男人既浪漫" 點知個MK妹就出黎扯我件衫話叫我唔好走
我唔忍心 但係我真係要走 因為我地唔色合對方 佢猛咁扯 扯斷左我條皮帶 我到依家條褲都仲係鬆鬆地

所以我想問 邊到有硬少少既皮帶買?

[ 本帖最後由 -高坂桐乃 於 2013-8-22 07:45 編輯 ]

TOP

55

TOP

??????????????????

TOP

OKAY 打咁大篇文就係為左問硬少少既皮帶買?


天澤1樓中間 近涼茶位


仲有 見你咁刷得 依家開始你唔洗做打雜主管 依家封你做 海哥貼身保鑣左衙門

[ 本帖最後由 寒蟬 於 2013-8-22 12:48 編輯 ]
天佑香港,還政於民,雨傘革命成敗始於人民上!!
香港人加油!!

TOP

引用:
原帖由 寒蟬 於 2013-8-22 12:47 發表
OKAY 打咁大篇文就係為左問硬少少既皮帶買?


天澤1樓中間 近涼茶位


仲有 見你咁刷得 依家開始你唔洗做打雜主管 依家封你做 海哥貼身保鑣左衙門 ...
thx




今晚過埋尾數俾我

TOP

回復 5# 的帖子

OKAY
天佑香港,還政於民,雨傘革命成敗始於人民上!!
香港人加油!!

TOP

ON 9,我竟然睇曬= =

TOP

引用:
原帖由 藍天★小馬 於 2013-12-30 06:55 發表
ON 9,我竟然睇曬= =
:lol:lol
願你亦看清楚

TOP

發新話題