卍花田錯卍

話說小弟早前就開左post話做酒店 咁一路都無咩點講下做d咩..(太長喇,又無時間,有都訓下教,吹下水)

今期就講下d客人..話說點解會突然想打篇文分享下.因為一句"我係中國人,我無英文名"而起

小弟大大話話都做左4個月.咩客都見過.有錢有禮貌,無錢無禮貌,無錢有禮貌,同無錢又無禮貌既都有

第一個月好d既.一黎就係扒房做.客又少,大佬又好人..無奈自己未習慣.錯失左好多美好時光.跟住就上左中菜.一黎就51勞動節(紅日) 成班友仔黎晒飲茶.我一番黎就有個掃把同我講今日教唔到我D咩.就同我講負責傳菜同清下欄..嘩.大佬佢個場佔成層.真係唔係講笑.大過扒房果度成幾倍.我自問平時都有運動開,行下山跑下步咁.(雖則成日荒廢) 但果條路真係行到我嘔血.我第一次差d用盡雙手既力都托唔住d點心..不過好快就同佢地混熟.最難忙都係母親節..爆到出餐廳門口仲要問上面借左5間房.. 我就又跑到隻狗咁.

又到父親節.o rz 我終於大過仔.點d抄散做野.自己又可以處理到d客既問題 中菜d客都無咩野.仲成日有d有錢佬(睇唔出)醒我

不過最頂唔順都係有個客..話說佢黎親都坐最大果間房.入面有男女洗手間..次次都有個部長加個待應去招呼 有次個掃把叫我入去幫幫,一入去門都未山就叫我埋去.塞張一舊水黎- -世上係無免費午餐.跟住我終於知呢一舊水比我做咩.就係醫藥費 話說間房有7位客人.個個唔係食煙就食雪茄 成間房煙霧迷漫 最恐怖就係走左汁房果陣 陣味成粒鐘都未散.唉.呢獲真係999.(呢段其實大部份離題.不過都想講下)

以下為最近情況

呢排就去左酒店既酒吧做. 本多都無咩野.點知成日有d強國人淨坐唔飲野又懶死唔走.有d仲過份.坐完一檯得閒又轉下檯咁.仲要日日黎. 仲有個電話鈴聲好似d佛經咁(唔係話佛經唔好) 但佢部電話好似d客戶服飾熱線咁狂響 .心諗.你唔比錢都算啦.仲要係度騷擾人 仲要成日叫我比杯水佢.你可唔可以似番個人.唔好咁"東南_ _ _ _北"

都唔講果d比人問候父母親既客.真係想同佢隻揪.玻璃樽多的是

最慘就係遇到d墨西哥客.唔係話佢地唔叫野.係佢地可以坐成日.當正自己屋企咁.亂用我地d電制.仲要成地垃圾. 由朝坐到晚(2-9) d電腦全部係度叉電 上網 一時要杯水 一時拎自己d野出黎食 有番d禮義廉恥都唔會走去人地間餐廳拎個飯盒出黎食掛?你去m記都唔會食kfc外賣啦

講番開文果句"我係中國人,我無英文名"
呢檯客都算經典,咁多個大陸客之中佢最搞笑. 話說一黎度就問我有無得點歌,我同佢講得英文歌可以點.佢就話想聽番岩岩唱完首鐵達尼.我未問下d長工睇下得唔得.(得既話未狂點同一首都得- -") 就話要等下一節先會唱.咁佢都無咩野.最神奇佢寫d大陸歌名叫我地翻譯做英文(認真mode).跟住仲要散發出陣陣既純正強國人汗味 我同佢講多兩句都頂唔順.
跟住個長工去埋單.佢簽房(掛單,check out果陣先比錢) 咁好啦.叫佢簽個英文正楷黎(因為酒店紀錄客人個名都係用英文正楷,要對番先比佢埋到單) 佢就好認真咁同個長工講 "我係中國人,我無英文名!" 嘩~

你想我講D咩

跟住見個長工忍住笑同佢講 話要個英文既中文譯名,佢先明 .強

睇晒呢篇文既人 我希望你地對待應好少少..大家都係有媽媽生仲有食自助餐果陣夾少少試下先.幾粒鐘實比你食得番 當然有d待應真係態度差.咁無計

09621345

小弟在此受教 :)

勁人一大個

大陸人不嬲都係咁.上次去DISNEYLAND到玩.大陸D細佬打占打得好離譜