我o系TheDeath上面都已經做管理員已經有一年左右 一年有半以黎我觀察到TD有幾個核心問題
1) 玩家問題及伺服器形象
2) Kero&DS(最大管理員)對TheDeath的投放時間
3) Kero&DS實在太無能
4) 香港CS既競爭性
「玩家既質素是來自管理員質素」依個係我對改善伺服器既不變準則
管理員自身既價值觀念及行為玩家係潛移默化, 管理員係玩家既榜樣 管理員都做唔好點樣說服玩家做好呢?
所以基本上要改善一個伺服器做好伺服器Setting只係第一步 第二步就係對管理員入手
「形象」依樣野對人黎講其實係深既一種理念
如果你既形象一但固定左之後 就好難再將佢改變 雖然方法唔係無
TheDeath伺服器形象一直都處於一個「___SER」「___管理員」既狀態
我聽過好多人咁講過 「TD? 係未好多___果個SER呀?」「好多___管理員果個ser呀ma」「我之前比TD 9ban完」
唔只係我私下聽聞過 就連vlan forum上面都有好多人咁講過 搵下就搵到一兩個
用番上面我既準則 所以管理員既操守會直接影響伺服器形象
由此可見 以前既TD真係失敗得好離譜 「___SER」既形象固定左都不得只 唔好話改變 連依個問題Kero&DS都意識唔到
伺服器不堪既形象日復日不斷加深 再無方法去改變
Kero&DS既投放時間係我見過咁多個伺服器利害既人
我仲係o系TD做緊批核伺服器管理員既職位既時候 有一日 有位管理員o系RC問我關於Kero&DS
「點解我搵左kero同ds咁多日佢地都未復我嫁...除左skype仲有冇方法可以搵到佢?」
雖然真心覺得可悲 但我職位在身只能一笑置之...
「你搵得幾日算得係咩? 我搵左佢兩個星期都搵唔到呀!!」
另一位管理員走黎出聲加把口, 我都只能笑下就算
因為我其實已經搵左kero&ds第兩個月 都未復我...
我真係想問大家 有冇試過搵一個重要既人or管理員搵左兩個月? 我同大家講句 我試過
我同其餘TD高層一切會議都要合乎一個條件 「無需要找Kero&DS」, 我覺得依個先至係最可悲既事
依種辛苦既程度真係好比起我現實份工 仲要無人工收
首先我認為DS對電腦的確係有好深入能力 比起我網上認識既人真係西利好多 連寫一個heat project既服務端都做到 真係好野
但Kero&DS對於管理概念真係好無能, 我既諗法係即使你做左世界上最好既私服
但你既內政未搞好始終都係有一個「___SER」既形象 始終都係吸引唔到有料既人去幫你手
我地應該必需要承認世界上有好多人都先睇表面後睇內容, 既然你既包裝都不堪入目 點樣要人地睇內容呢?
雖然我相信ds有好多朋友都會幫手 但佢地又會唔會願意哂時間落去做人事管理呢? TD發展成咁 依個就係答案
當初未整好CS SERVER就唔應該去整heat project私服, 應該專心整好一樣再一樣 小朋友都明既道理
但點解DS仲要一意孤行去整heat project私服? 搞成依加兩頭唔到岸既情況 真係自己囉黎衰
TiG唔搞CS之後 香港CS其實已經係無競爭性, TheDeath伺服器已經係最香港最TOP既伺服器
但點解TheDeath既質素令我咁不堪入目 真係_到唔敢睇 仲_過關家姐, 連TiG條毛都見唔到?
到底係咪Kero&DS唔識居安思危? 係唔係無競爭所以無進步?
引用:
[2013/9/7 下午 08:45:51] UWS Server Operater: tig一開始已經唔算係咩
Kero係未當人地香港CS既傳奇係流料? 我真係唔敢再直視TheDeath依個字
只可以話TheDeath真係從此就the death。
ps: 其實仲有大把野可以post比大家睇 老老實實 我真係睇佢地兩位管理員唔過眼
佢地根本都唔肯直視 唔肯面對個問題 真係好失敗, 不過我浪費一年半既時間落仲更加失敗
[
本帖最後由 Melancholy112 於 2013-9-21 06:31 編輯 ]