lowahfai

星期四更新資訊, 聽講這星期有人拿齊晒extras la 恭喜恭喜


另外, 事緣我琴日整個朝早在團體大本營對住notebook整野


12:00p.m.左右就放低左眼鏡去食lunch, 因為想比對眼鬆下, 話晒整左成朝


食完lunch回到團隊大本營的樓下時, 有個女仔行埋黎問我 : ‘呢度係未有位xx’ ( xx係我英文名 )


我睇見佢, 據我記憶, 應該唔識得佢


我問佢 : ‘你搵xx咩事?’


佢支吾以對咁話 : ‘我…我有d事要單獨同佢講’


接著佢即刻又講 : ‘你識得xx嗎’


我心諗要單獨同我講, 咁奇怪


我點知佢搵我咩事, 幾大都唔認


於是我同佢講 : ‘我唔係太清楚’ 之後就想上樓啦


點知好衰唔衰, yy ( yy係我識的女仔, 唔爆名 ) 係我右手邊走過黎, 仲鬼咁大聲咁叫: ‘xx’


我當時真係好無奈, 應你又唔係, 唔應你又唔係, 你話點算好


於是, 當yy走到過黎時, 我就指住yy咁同果個女仔講 : ‘啊, 佢大叫xx wor, 佢應該識得xx啊, 我就唔識xx啦’


於是我就即刻上樓lu, 6分鐘左右後, yy一個人上到黎, 我問佢情況


yy就話 : ‘佢搵你, 你都話唔識, 我又點會識呀, 不過睇黎你除左眼鏡佢認唔到係你, 如果我唔係之前睇過你唔戴眼鏡的樣, 我都唔知有咁大分別’


我就笑住咁問yy : ‘咁邊個樣好d?’


yy就話 : ‘兩個都唔錯, 但就係唔會覺得…係同一個人’


點都好啦, 咁我諗住行開做自己野啦, yy就問 : ‘果個女仔係你邊位?’ 我未話我唔識佢


點知yy臨尾都要串我 : ‘你唔識? 哼! 個個女仔你都話唔識架啦, 但其實個個女仔你都識’


我要係度重申 : ‘我真係唔識果個女仔’

不過事後諗番, 果個女仔搵我到底為左咩事呢, 我始終都唔知

Redeemer

於是, 當yy走到過黎時, 我就指住yy咁同果個女仔講 : ‘啊, 佢大叫xx wor, 佢應該識得xx啊, 我就唔識xx啦’
咁都過到骨

佢搵你咩事,你無理由唔知,佢無講咩?

lowahfai

引用:

原帖由 Redeemer 於 2010-8-28 00:54 發表
於是, 當yy走到過黎時, 我就指住yy咁同果個女仔講 : ‘啊, 佢大叫xx wor, 佢應該識得xx啊, 我就唔識xx啦’
咁都過到骨

佢搵你咩事,你無理由唔知,佢無講咩? ...

當時臨急智生

不過, 都要yy get到, 因為當時果句說話表面上我係同果個女仔講, 實質我係同yy講, 等yy唔好話佢知我係xx

講真, 我都好想知果個女仔搵我想講什麼


不過當時我問果個女仔搵xx咩事


佢又懶神秘 話要單獨同xx講, 我覺得幾奇怪, 所以我無表明身份


最令我在意的, 係佢識我


所以我想知道佢係邊個

或者下次再見到佢的話, 我想避佢都避唔到


到時我只能望住佢同佢講 : ‘其實…我就係你要搵的人’

Redeemer

唔駛諗,搵條老襯扮xx啦

lowahfai

引用:

原帖由 Redeemer 於 2010-8-31 14:12 發表
唔駛諗,搵條老襯扮xx啦

要人扮我唔係唔可以, 只係如果佢見過我真人的話, 這方法未必行得通


果個女仔可能見過我真人

果日因為我錯有錯著, 無戴眼鏡先令佢認唔到係我


不過, 經此一役, 令我知道自己原來有兩個截然不同的樣


就算見過我其中一個樣, 亦未必能洞悉我另一個樣


我應該可以好好運用這種特質