萬般的蠢事

呢個都好耐好耐啦, 個時還未有新田公路, 如果元朗去上上水粉嶺只有行兩條路, 一是行青山公路, 另一條行林錦公路.. 我就行林錦個邊多, 因近我地條村...

個年我差唔多14, 15歲, 有晚要去上水古洞踢9:00, (我係幫人踢, 只有我一個係元朗住, 其他都係上水, 粉嶺個邊d人), 我就如常係元朗坐小巴上去啦, 踢完都10:30, 換埋衫都11:00啦. 係個個年代, 夜晚真係好少人出夜街, 又其是元朗, 上水個d鬼地方...

咁係河上鄉附近等小巴, 小巴比巴士快好多嘛, 點知等左好耐都無一架, 有都係滿坐, 咁見到架76k, 唔好理都照上先啦, 唔係唔知要等幾耐. (個陣d巴士尾班車多數係11:00開, 唔似依家). 可能係尾班車褂, 樓上一個人都無, 下面就有2, 3個左右. d公公婆婆係唔鍾意上層坐, 加上係舊式巴士 (如果你地係巴士迷就知邊一款)

踢完波鬼咁熱, 就坐前排開大隻窗涼下啦, 另外可能真係好夜, 都無人等車, 架巴士都開得好快. 咁差不多去到新田郵局附近, 見巴士埋站啦, 我以為有人等車落車, 又好似唔係, 但係架巴士就停左好耐..(唔會係死火褂...) 好彩唔係, 咁就繼續行啦, 差唔多到米埔左右, 我聽到口后面有d聲, 望番轉頭, 見有d公公婆婆坐係后排.., 唔通d公公婆婆去中景墟賣菜, 都無理由咁早褂 (中景墟係元朗好大個菜墟)

咦, 明明頭先都無人架..最好唔好理咁多啦.. 最好不變應萬變... (其實又時都怕佢地, 唔知佢地想點)
但係個陣我d冷汗係到流緊,

跟住, 架巴士去到竹園村附近, 架巴士又停車, 呢次又停左好耐, 望番出窗, 又係無人上落車. 跟住擰轉頭睇下, 班公公婆婆就唔見晒, 如是者就平平安安返到元朗, 咁到總站, 問個司機大佬啦, (做得元朗巴士司機都係元朗屯門見), 咁個大佬就話, 你都見到 班公公婆婆呀, 我話係呀...佢就話, 週不時都見到佢地, 無惡意架, 下次你咁夜坐車, 坐下層會就會好過d...

所以我老豆講得對, 夜晚坐小巴安全d.

MeSs!

司機好似識班公婆

_.JuST｜夜空

係唔係佢d長期客仔