萬般的蠢事

凡哥係一個由澳洲讀完書返黎既青年.當佢第一年過澳洲既時候,仲未係讀大學既, 係讀大學前既預備班啦.咁佢聯同幾個朋友,就柴嘩嘩租左當地一間house 屋, 果度有四間房,每人都分配到一間.但好奇怪最尾果間房,係有一幅畫掛左係牆度,但幅畫又對住房門口,畫中既物件就係有一隻馬同一個長頭髮既女人既.其餘房係無畫架喎.但分配到最尾果間房既朋友,遲遲都唔肯搬入去,納空租左兩個星期, 咁其他人都唔理佢啦,之後凡哥佢地成班人就叫埋其他朋友一齊去佢地新屋開入伙party,但好奇怪當中有一個男仔一行入屋既時候就已經同凡哥佢地成班講"我好唔舒服,好唔鐘意呢間屋,我唔想係度呀"之後一支箭咁走左.凡哥佢地覺得佢係一個傻仔黎囉,夾哂錢買野食自己走左所以都無埋到佢.可能尾房果個朋友聽到呢個男仔咁講, party 過後直情唔肯再租間屋.凡哥佢地就梗係好急啦,但結果都搵到一個日本仔租左呢間尾房.住左無耐, 有一日日本仔係大清早時鬼殺咁嘈話間房有鬼,佢地問咩情況,日本仔就話當佢訓到半夜時,發現有一個女人坐左係床尾望住佢, 睇真d, 原來係畫中既女人,之後仲有一個細路仔,係佢張床度圍住走黎走去, 佢成晚都無訓到,其他人聽到梗係都好驚,但都無辦法,照住, 點知,輪流每一個人每晚都比鬼責,但凡哥本身唔信呢d 既,仲誇下海口話"夠膽今晚黎攪我丫, 笨"結果佢果晚就比野責到郁都郁唔到, 過左心驚膽戰既一晚
後來佢地商量後決定將幅畫擺係廳出面既雪柜上面, 擱置住係雪柜頂上面,之後日本仔都成日話見到鬼,但凡哥都唔多信佢架喎又
但一路佢地都住左年幾,就算中間有好多奇怪事,佢地都照住落去喎果然係後生仔~膽生毛,後來因為放假佢地返黎香港三個月, 所以先唔再租呢間鬼屋但當佢地想搵番幅畫掛番去間房還原比業主時,去雪柜頂度搵, 但搵極都搵唔到,之後全間屋搜索都搵唔到呢幅畫,最後唯有不了了之
最好笑凡哥話佢地住呢間鬼屋,攪到全部華人區都知道哂, 佢有日坐車返學,聽到隔離有一男一女既廣東話對話, 就係話"聽聞有幾個香港人租左呢度間鬼屋呀,好猛鬼喎"凡哥係隔離偷笑,爭D 想答"你有咩想知,我講比你聽丫

傲x小虫

好睇!幫你推一推post!! 推推推

lkw??

未看先回
謝樓主分享

★Ck.Sky

wa
夜晚見到呢d野真係~~~~~~