[Open]
[Close]
[ 疑問 ] 我到底點做好..有冇人教我?
由於個故仔都幾長...加上本人文筆不太好..
如果唔鐘意 請禁"上一頁" 離開 (快速鍵 Alt+Left)
成件事係咁既..
係上年10月到..
我鐘意左個女仔(係到叫A吧)
鐘意左1個月到
我就同佢表白..
果陣佢話肯同我一齊..
之後都係學校玩..打下波咁..
但番左1.2日就覺得唔對路..
佢係學校好似唔鐘意我咁..
係咁避我..
之後有次我因為其他野唔係幾開心
想係msn搵佢傾計
之後A話
"可唔可以做番朋友" "我果陣一時間諗快左"
之後雖然好唔開心..
但都尊重番A決定..
一路咁去到12月
A突然又話想一齊番
我雖然都好想..
但同時又諗 "佢會唔會又係諗快左呢" "如果唔係 但我拒絕..我會唔會後悔?"
諸如此類既問題..
之後我都比多左1次機會A
之後就放聖誕假
佢番左大陸
試問各位網友..
你地既男/女朋友
係大陸番黎..1個禮拜 無上MSN 無應你手機 無SMS你
就連見到你既眼神 好似好憎你咁 唔想見到你
大家會點諗?
所以..我係1月就同番大家講做番朋友(好似做番A個角色咁)
但佢話番比我聽..
"我應承做你條女姐,無話應承同你拍拖"
咁姐係點? 玩我?
就係咁..
一路唔開心到3月..
A突然SD SMS比我(之前好少SD)
之後見係朋友姐..
都同佢SMS..
直到有1次..
A拎番之前D野黎講..
話我由頭同尾無理過佢感受..
試問..
我每一個決定都係想佢開心..幸福
點樣無理到佢感受..
之後我無理A一個禮拜..
到3月中到喇..
佢突然對我主動左好多..
但同時 我都係網上識左另一個女仔..(叫M吧 好似唔太好..")
M比A 主動100倍..
但我知M 有過好多網戀..
就係咁..同佢傾左幾日..好開心
唔記得晒A對我講既野
之後M問我一唔一齊..
呢個時候 我先知
原來我將M傾計 開心既時候 當左佢係A (我都唔知自己打緊咩..)
之後我先意識到..
原來我仲一直鐘意緊A
所以..傷了M的心 去繼續守候A
到近日..
我忽然知道左..2個令上好似以前玩過山車既事..
係MSN同佢傾計得知佢
我唔知點講..我照佢打乜我係到寫番咩..
"我鐘意你關心我個樣"
我問番佢..
"咁係咪姐係鐘意我?"
A話唔知呢
之後就off 左..
但琴日..我知左一樣令我無試過咁唔開心既事..
係我球隊入面一個打波好出色既人..我同佢亦都好fd..
係佢口中知左..原來
A同佢係F.1
曾經做過D唔係幾見得光既事(雖然唔係搞野 但都好恐怖"對我黎講") (所以我有小小懷疑A巳經唔係處)
佢要係由A提出..
雖然 我鐘意A 唔係為左佢個身體 唔係為左咩咩果陣既感覺..
而係佢既性格..天真無邪果陣既樣..
但試問..
我自問唔算大..但都14歲..
身邊既老師 朋友 親朋戚友
都話我既思想好成熟
話我既心理年齡大過14..
大家係我呢個年齡..
如此深愛住一個女仔..
但你知左..佢係一個幾隨便既人..
口中講我鐘意你..
但心入面..唔知諗緊以前做過幾多既野..
我明..
喜歡一個人 要包容佢以前既事 優點 缺點(甚至要將缺點變成優點)
但呢樣野我真係接受唔到..
一個係我眼中..
我咁鐘意佢..覺得佢幾咁純真..可愛
但竟然做埋D咁既事..
我真係唔知點做..
更加唔識點樣面對佢好..
就算同佢傾計..
都要戴住一個面具..
真係好辛苦..
學校 老師 朋友..
都無一個真真正正適合傾心事既人..
就算有..個秘密都唔可以比佢知..
咁樣屈住個心真係好辛苦..
而家打晒出黎..總算舒服左D..
起碼有人肯同我傾計..
將半年既事打左出黎..
多謝大家睇晒佢..
[ 本帖最後由 mRAnDY獨 於 2010-4-17 03:09 編輯 ]
