SmileBoy

我希望健, 榮, 皮

都係此帖回覆


想當初我地五人好倉促咁組成隊伍

組成 | LoSeR | 正選參加kyo比賽, 官賽

果一段時候  係我最開心既時候

因為每一位都好努力練習  慢慢將我地既默契由無變有 不斷成長

我一直都認為  遊戲之所以好玩  係有一班朋友共樂之

係果一刻  我卻開始認為  原來有一班為遊戲而奮鬥既隊友  先係最愉快  最難能可貴

由於不斷、無間斷既練習  新組合出來的| LoSeR |正式成形

我地亦係官賽入面順利擊倒埋一向與我們看齊的12星

我相信  亦了解

當時我地係實至名歸  我地當時既實力、默契  的確比12星好


其實以上既  都已成廢話

因為大家拎完個官賽冠軍之後  完完全全冷卻了下來


我唔知  

係因為大家已經完成左最大既目標  所以自滿、懶散

抑或根本已經對遊戲無左份心意

默契本如逆水行舟  不進則退

我地連聚頭練習既機會都無  難道真係認為一上場就可以返哂黎?

自官賽後就散哂心..  我敢言an2實力唔高  反應仲算慢

但事實上依家既| LoSeR | 就係連an2都不如


如果大家對信長再無果份熱情..  心意

我勸大家都係唔好再浪費時間

因為hea住玩  玩一世都唔會變強

SmileBoy

我一向無質疑大家既技術

大家拎視野, 反應(閃戒、魔免)等等已經做得好好

就連一向魔免最差既榮  都已經改善左好多 (今日an2一戰都見到你開好左  只係前期太疏忽)

最主要係缺意識  而意識係好空泛  要由個人既一點一滴經驗累積

之前我見你會日以繼夜  不怕勞苦..  每日放工返黎去ggc自練 苦練

甚至唔介意係vlan會lag  同我地一齊練

但好一段時間  已經無再見你係ggc練  而叫你去vlan  你亦開始嫌lag

我知你有睇開replay  但有冇認真參考箇中要處?  抑或只係娛樂性咁睇  我就唔知

所以到最後  我對你果句「自問盡哂力」好有保留

我看不出你既盡力

SmileBoy

因為我地有志向

我地唔滿足於玩路人戰的快樂

我地仲想去追求更多..  係遊戲入面得到更大既快樂 同 滿足感

我唔介意你一直堅持自己既態度

但我想講  一齊奮鬥而生既快樂  係我一生中暫時遇到最美妙既快樂

我好希望可以延續落去  

係大家有生之年  仲可以相聚一隻遊戲奮鬥既日子