kelvin07

近排估左幾條推理題
覺得唔錯
放上黎比大家估估

1. 有五個賊仔A.B.C.D.E
    偷左一百粒金幣
    佢地用一個特別既方法分金幣
    由A開始提議一個方法
    如果有多過or等於50%的人贊成的
    提出的方法就會實行(自己可以投自己)
    如少於50%人贊成...提議者就會死 輪到下一個提議
    假設你係A果條友....你要點分先可以分到比自己最多金呢
    PS:其他人只要係對自己冇利就一定反對 對自己有利就一定贊成
    提示:如果前面d人死晒 剩返D同E 咁到D分...D會點分...
            知道左再諗下剩底三個 C D E    C會點分?
            咁就會知道A B C D E 既A點分

ANS:如果剩低D同E兩個
        D會分先 因為等於50%就會通過
        所以D會分成D:100  E:0
        如果得返三個C,D,E
        咁C就會分C:99 D:0 E:1
        因為E唔贊成C就會死 C死左就得返D同E 由D分E一定係0
        所以C分一蚊比E對E黎講係最大利益所以佢會讚成
        四個人就B:98  C:0  D:1   E:0
        五個A,B,C,D,E就會
        A:98    B:0    C:1    D:0    E:1

2. 有一個島
    上面只有一百個人
    果一百個人都係醫生...其他人有病冇病一眼就知
    但係每個人都唔知自己有冇病 (所謂能醫不自醫...)
    一百個醫生都唔會同任何人講野
    而島上面有一種病(不會傳染....)
    只要有病的人知道了自己有病
    咁有病果條友第二日就會死
    而島上面一定有人有病(一百人都知這個)
    問題:到第7日有人死左。究竟有幾多個人死呢?
    提示:諗下d人點解會死
            諗下如果得一個人有病 咁果個人會唔會死? 第幾日死?
            諗到既...再諗下2個人有病 咁佢2個會唔會死? 第幾日死?



ANS:先假設只有一個人有病
        咁果一個人就會見到99個人冇病
        而佢知道一定有人有病 所以知道自己有病
        所以如果得一個人有病咁果個人第二日會死
        如果有兩個人有病
        其中一個就會見到98個冇病 一個有病
        咁佢見到果條友第二日應該會死
        咁第二日果條友冇死既話
        即係果條友都見到同自己相同既野
        咁就知自己有病 所以第三日有兩個人死
        以下係日子同有病人數既關係表

                                  有病既人(死左既人用ABCD表示
                 1                      2                  3                     4                5                      6
第一日      X(冇人死)          X                  X                    X                 X                     X
第二日      A                       X                  X                    X                 X                     X
第三日                              AB                 X                    X                 X                     X
第四日                                                 ABC                  X                X                     X
第五日                                                                      ABCD            X                     X
第六日                                                                                            ABCDE           X
第 7 日                                                                                                               ABCDEF

所以第7日有6個人死左

3. 又係有一個島
    上面有五十五隻獅子同埋一隻羊
    但係如果有獅子食左隻羊的話
    食羊的獅子就會變成羊...(其他獅子食返佢都係咁)
    羊不會食獅子
    獅子不會食獅子
    如果你係其中一隻獅子
    你食定唔食隻羊呢
    要一個合理的理由
    提示:如果得一隻獅子同一隻羊 咁食定唔食?
            2隻獅子一隻羊食定唔係?



ANS:如果得一隻獅子一隻羊
        咁果隻獅子一定會食隻羊(因為冇人可以食返佢)
        如果有兩隻獅子一隻羊
        咁就唔會有人食佢(因為其中一隻食左 另一隻會食返佢)
        如果有三隻獅子一隻羊
        咁就會有一隻獅子食(因為得返兩隻羊係唔食)
        如果有四隻獅子一隻羊
        咁就唔會有獅子食
以上得出結論單數食雙數唔食
所以55隻獅子就會食...


太冇人氣了....
竟然冇得估得中/_\

[ 本帖最後由 kelvin07 於 2011-5-13 18:51 編輯 ]

『神爺〞

1.如果我係A，我會做最遲果個提議。
　因為所有人都會為自己既利益著想，只要佢地有任何對自己有些少利益，其他人都會投反對票，令A 前面既提議者全部死晒先，到最後先到自己，就可以有最多的金錢。

2.我覺得問題並不明確，資料亦不充足。
　因為那些醫生已經被標明是「隱世高醫」，但這種病只有有病的人才知道。
那這病是有病的人知道還是所有高醫都知道？知道了又如何呢？會不會傳染？
並不明確。

3.如果我是其中一隻獅子，我會等到最後一隻獅子忍不住吃了最後的第2隻羊才吃羊。
　因為你等著５４隻獅子吃了５５隻羊，等著最後我才吃最後變了羊的獅子，那我就可以活存了。而在我前面的所有獅子都會變成羊而被其他獅子吃，我就會安全地變成羊而不被人吃掉。

kelvin07

引用:

原帖由 『神爺〞 於 2011-4-18 23:29 發表
1.如果我係A，我會做最遲果個提議。(A是第一個提議者...)
　因為所有人都會為自己既利益著想，只要佢地有任何對自己有些少利益，其他人都會投反對票，令A 前面既提議者全部死晒先，到最後先到自己，就可以有最多的金錢。

2.我覺得問題並不明確，資料亦不充足。(我打少左野 SOR 補返先)
　因為那些醫生已經被標明是「隱世高醫」，但這種病只有有病的人才知道。
那這病是有病的人知道還是所有高醫都知道？知道了又如何呢？會不會傳染？
並不明確。

3.如果我是其中一隻獅子，我會等到最後一隻獅子忍不住吃了最後的第2隻羊才吃羊。(其他獅子都有腦會諗到同你一樣既野<--小小小提示)
　因為你等著５４隻獅子吃了５５隻羊，等著最後我才吃最後變了羊的獅子，那我就可以活存了。而在我前面的所有獅子都會變成羊而被其他獅子吃，我就會安全地變成羊而不被人吃掉。

希望有人會估到._.
堅係好玩

kelvin07

引用:

原帖由 jey123 於 2011-4-19 17:15 發表
1.  自己就分34粒金幣   b就分33粒金幣   c都係分33粒金幣
而d同e就係0粒金幣      b同c每人分到3分1相信唔會反對吧(太天真了....b同c分唔到最多果份點解唔反對整死你先=])
而d同e得0粒金幣就一定反對,   咁樣就等於50%的人贊成(基於以上原因佢唔會贊成)(每個都其實都想自己分到最多)
2.未諗到,諗到再答你.
3.一個島上應該有草吧,羊當然係食草啦,而獅子就一定係食肉,(在此不考慮其他食源問題....單純只問...有隻羊...你...食定唔食??)(以下可散略)
我估全部獅子都唔想因為食左隻羊而變成一隻羊俾佢地食番,
但係你諗諗,你唔食羊有咩食,可能有食草既獅子我唔知啦
如果係我就一定食左隻羊先,起馬我解決左食物問題先,做完羊都仲可以食草,
而班獅子就要捱住肚餓諗緊食唔食羊好,而且俾就算俾獅子食都係一年好事,
因為照咁推理落去都係餓死淨一隻獅子,佢當然會食左你,但果時已經得番佢一隻生物,
本來如果係正常動物得番佢隻可能冇問題,但你講到佢識諗我地d野,咁佢就一定會悶,
咁樣一個係個島上比死更難受,早d食完隻羊早d死,都好過佢地餓咁耐,到最後仲要自己一個係個島到等死,呢個應該係合理的理由掛
你介紹d  推理題真係幾好玩,不過我都係支持原創

以上解釋...呢位同學已死 =]
加油

jey123

引用:

原帖由 kelvin07 於 2011-4-19 17:24 發表

以上解釋...呢位同學已死 =]
加油

打左我3個字= =
換來一句呢位同學已死
唯有再努力過啦
大家快推第5頁呀
我想知答案

『神爺〞

1.我係A的話
　首先我會提議我分得100塊金錢中的2$，然後將餘下的98$平分給B和C。
　B和C因知有利可圖，一定會贊成，少去2個對手。然後到第2個人提議（Ｂ？）
  我便會反對，再令其人死亡。

jey123

引用:

原帖由 『神爺〞 於 2011-4-19 18:51 發表
1.我係A的話
　首先我會提議我分得100塊金錢中的2$，然後將餘下的98$平分給B和C。
　B和C因知有利可圖，一定會贊成，少去2個對手。然後到第2個人提議（Ｂ？）
  我便會反對，再令其人死亡。 ...

自己要分到最多= =
分2$真係
幫手推上第5頁

不死的金川

首先第1題.........
b.2金幣. d.1金幣
我自己(a)97金幣.原因樓主講答案自已睇(p.s.我冇睇過答案,只不過係前幾日上堂有個同學比過呢條題我...我用左兩堂慢慢諗....
跟住好似岩左)

[ 本帖最後由 不死的金川 於 2011-4-19 21:48 編輯 ]

kelvin07

引用:

原帖由 『神爺〞 於 2011-4-19 18:51 發表
1.我係A的話
　首先我會提議我分得100塊金錢中的2$，然後將餘下的98$平分給B和C。
　B和C因知有利可圖，一定會贊成，少去2個對手。然後到第2個人提議（Ｂ？）
  我便會反對，再令其人死亡。 ...

睇黎呢位同學誤解左條題目既意思
條題目假設你係A
你係第一個提議者....你提議失敗就會死
你成功就照你意思分
如果你死左先會輪到b去分錢....

加油努力 .o.

『神爺〞

那我真想知點解要加上「輪到下一個提議」呢?

真令人誤解, 目的是要A 提出1個方案 可以分出最多金錢 還有得輪到下一個?

kelvin07

引用:

原帖由 『神爺〞 於 2011-4-19 21:58 發表
那我真想知點解要加上「輪到下一個提議」呢?

真令人誤解, 目的是要A 提出1個方案 可以分出最多金錢 還有得輪到下一個?

目的是先由A提出方案
若贊成者> / = 50% (包括自己)
方案就會通過....照A的分法去分
若<50%人贊成
A就會死...
由下一個B提議
B死 C提議 如此類推
假設你是A 你要怎分才不會死不分得最多金...
真的咁難明???

我要殺人

3. 又係有一個島
    上面有五十五隻獅子同埋一隻羊
    但係如果有獅子食左隻羊的話
    食羊的獅子就會變成羊...(其他獅子食返佢都係咁)
    羊不不會食獅子
    獅子不會食獅子
    如果你係其中一隻獅子
    你食定唔食隻羊呢
    要一個合理的理由


多了一個字還是題目需求

[ 本帖最後由 我要殺人 於 2011-4-20 09:07 編輯 ]

kelvin07

引用:

原帖由 我要殺人 於 2011-4-20 09:05 發表

3. 又係有一個島
    上面有五十五隻獅子同埋一隻羊
    但係如果有獅子食左隻羊的話
    食羊的獅子就會變成羊...(其他獅子食返佢都係咁)
    羊不不會食獅子
    獅子不會食獅子
    如果你係其中一隻獅子
    你 ...

咁都比你捉到--
係打多左個字

『神爺〞

3. 我會食那隻羊, 動物既死亡就是食物鏈的延展。
  這是合理嗎?
    你只問我會不會吃那羊, 因為我肚子餓, 所以要吃那隻羊。
  這是合理嗎?

賴玉豐

樓主睇下我岩唔岩?
我既見解係咁

如果我係A，我會提議我分33粒~
其餘B，C，D，E就是但2個都係分33粒~
而正低果2個就是但分1粒
如果係分俾B，C各人分33粒~
C就分得1粒，E就分0粒。
咁C，E一定唔會讚成架喇~
但係B同C都係分得最多既~一定會讚成~
而我都係分得最多既~所以我都會讚成~
最後結果就係3比2~
我唔會死~而且分得最多