今次小弟有感而發,第一次開POST,真系正宗處男作,唔系想講D咩大道理,只系想表達一下感想。希望大家有時間可以睇一睇。
小弟玩忍村都好耐,耐到都唔記得幾耐,忍村呢隻GAME陪小弟渡過小弟既童年,可能都同大家經過唔少時間,雖然小弟而家都唔細,幾大免問。見過忍村最風光、最受歡迎既時間;見過忍村最多人玩既時候,VLAN爆哂區,BNET一次有幾個場;見過唔少高手,見過唔少「高手」,當然仲見過唔少肥料。
首先小弟想講下忍村既受歡迎程度。於小弟之見,而家VLAN玩忍村既人最多同時間百幾人,BNET我都唔想提,應該系因為太多MH,所以再冇人系BNET玩。其實忍村真系已經唔多人玩,最多應該唔超過二百人,相對於最多人既時候其實真系少好多。如果以此推進,小弟相信好快就會冇咩人玩,除非有更多新血既加入,但系機會並唔大,因為佢發展局限實在太多。
忍村既發展局限其實大家都可能心裏有數。而家大家通常都系玩3.2,我相信應該冇咩人玩舊版,新版都唔例外小弟都只系玩過一兩次。而原作者推出既新版本,我相信大家對佢地既接受能力有限,如果唔系大家而家應該系玩緊3.23而唔系3.2。
忍村本身系民間遊戲,唔同DOTA咁比人買左,又唔同LOL大公司,因為唔同上面兩個例子咁有來自遊戲本身既收入支持,所以佢既發展本身就有一定局限。忍村既發展同原作有好大關系,雖然忍村本身有好多同原作不乎既地方,但系正因為忍村同原作既關系,佢既發展就要同原作有一定相同既地方。
只要大家一跟上原作既發展,大家就會明白原作人物發展到咩地步,鳴門簡直可以以一敵萬,雖然,只要作出適當平衡,就可以修改現有角色或加入新角色,當然,對遊戲既更新唔系只系限於人物,仲有物品、地圖、其他額外野等,但系正如我之前講,忍村系一隻民間遊戲,而一隻民間遊戲唔再受歡迎,佢即作者可以做到既一系就比出更多心力更新,一系就唔再投放時間落去。
小弟而家見親人開POST一系就話邊個走場冇品,一系就話邊個廢邊個玩野之類。小弟既想法就系,大家不如唔好只系著眼於屠人、串人、話人,雖然小弟都有做過,而比少少時間睇睇同你一齊玩既人,唔只睇下自己友,仲要睇下對手,睇清楚呢一班就系同你做過戰友,又或者對手既人,因為呢班人同你一樣打過忍村。忍村只系一個遊戲,小弟並唔系話因為系遊戲就唔認真或者冇品之類,而系忍村唔只系大家既娛樂,而且仲為你帶來唔少志同道合既人,所以唔好咁睇重打忍村贏定輸、比人屠定屠人。
小弟玩忍村咁耐,忍村都帶比小弟唔少歡樂,有屠過人有比人屠過,識過唔少人,見過唔少串友,有部份串得過份。小弟只系想講,忍村受歡迎程度今非昔比,而且發展局限多,所以認真講忍村系香港,其他地方唔肯定,應該潛力唔大,當然,大家可以介紹朋友玩,咁樣有新血加入,應該不致於令忍村沒落。
小弟其實想大家記住忍村呢個平台固然重要,但系平台上面冇哂人既話,平台本身都會冇意義。記得忍村為你帶來唔少既歡樂,當然可能都有唔少失落,但系贏輸悲喜都只系好短暫,同你一齊玩既人先系成個忍村既重點,請大家唔好忘記呢一種「羈絆」。
以上只系小弟愚見,其中有錯既地方還請大家多多體諒,歡迎提出任何意見或糾正。多謝大家肯花時間睇哂小弟篇野。
[
本帖最後由 evilpower 於 2014-3-21 00:48 編輯 ]