Mr7

第一次拎錢 - 講心得

會員只要講出
你對aoc呢隻遊戲既感受
又或者遊戲可進步既地方,,,
就會得到錢 + 分。

越詳細當然分數越多。
(講心得回覆即可。)



第二次拎錢 - 整地圖

本區十分鼓勵玩家自創地圖,,
類型不限
只要玩得,,有創意,,有基本劇情
就有分。

劇情越多.越難.分數越多
(整地圖請開一個post)
如對劇情制作有問題
可上http://www.dreamszone.net/
基本的技術就在<<研發部>>的<<技術執行>>
如果更難的,可以發帖,大家一起研究。








請各位會員多多支持。

[ 本帖最後由 Mr7 於 2008-3-2 18:00 編輯 ]

W_a

我記得我第一次玩.
玩中國....果時我先11old= =....
我表哥無啦啦話要我同佢一起玩..
不斷咁比人殺=_=
我話...我唔識玩
佢話...你玩玩下會識
玩玩下好無聊冇玩了=]

Mr7

引用:

原帖由 ㄨ無名﹏華 於 2008-3-2 17:41 發表
我記得我第一次玩.
玩中國....果時我先11old= =....
我表哥無啦啦話要我同佢一起玩..
不斷咁比人殺=_=
我話...我唔識玩
佢話...你玩玩下會識
玩玩下好無聊冇玩了=]
...

有左我係度
保證你唔會覺得佢無聊

W_a

引用:

原帖由 Mr7 於 2008-3-2 17:42 發表


有左我係度
保證你唔會覺得佢無聊

OK~我信你=]..

我記得第1次玩係係網吧玩v_v
同我個fd好似係玩緊cs果陣..
有人問我地玩5玩..
我地見無聊就玩lolz
5識玩bo不過.我果陣用波斯好似v_v
狂起戰象v_v
比人ko哂可憐":::

HiMan_106

我覺得呢隻game可以整多幾個國家出黎..例如..朝先...普魯士(姐係德國ga前前身)..戈d
我第一次玩呢隻game  ga時候係用 拜占(停).因為之前見過我個fd用..
好似唔錯咁..右咩都唔知..so用左呢個國家..之後玩玩下..覺得拜占(停).實在太多野要升
之後右用下中國..話曬自己都係中國人丫嗎 ...覺得都ok..同埋我中2 d 連射兵..
攻城戈時..一大堆係到打..好壯觀..
之後右中2  凶(爐)..因為唔洗整屋..方便好多..不過d城堡兵就唔多中2..佢話打城勁d
如果係..我不如用攻城武器打仲好啦..成堆沖埋去..好快冇曬..整多d遊俠唔好
就係咁多

腸粉

我覺得aoe都ok好玩 but畫面質數差左d     同埋有d國真係廢左d 例如:條頓,維京咁  but  now少左好多人玩aoe lor   因為warcraft ge出現吧

mokit12345

aoc真係一直好好玩既game
多戰術用
黑﹐封，城快
有拜占延加僧侶等等戰術
我覺要既技術多過war3好 (3國或信長)
要成為一個高手真係好難
畫面其實都唔差既 一隻好玩既game  唔係在於畫面的
每種地圖都有唔同玩法
不過最平常都玩綠阿既...
仲有韓國既城堡兵超屈  視為禁國....

我覺得改進既地方，就係8人連線果時
打到後期，好鬼lag.....去到人地城，超好城堡  田 屋
又有兵海，超lag..........
好耐無玩lu，有成2年
一個玩塞爾特同中國既人上

生神仙

我未玩過呢隻game
但見過人地玩
好似幾無聊下
起d野果d...
我唔多鍾意..

絕對．靈天

相比起其他大部份既即時戰略遊戲
佢地都做唔到可以自製地圖咁(即可以rpg,塔守之類)
大大提升可玩度及耐玩度 唔會淨係日日打杖咁無聊
唔好同我講war3得...我講既係大部份既= =
唔同文明有佢既獨特優勢
個建築風格又唔同
仲可以玩埋羊仔火雞-.-
衰在佢地係海事方面實在太少
令海戰一類單調無味
我自己有個唔覺得唔係好公平之處
在於....最快升好兵種果個
定到輸嬴..................

boys19930630

AOC 呢隻GAME...
講起上泥真係好懷念...
係我仲好細個個時就開始玩AOE
玩下玩下轉左去AOE2
再去AOC
而且我覺得AOC 比 新出既AOE3 仲好
如樓上幾位所講, AOC 打到後期已經有點LAG
AOE3 仲盲目追求3D...
我之前玩親呢...都一定係同埋班FD玩
通常就係我係D入D既位起城(如黑森林個D, 我係最入, D 隊友頂路)
之後我就全力谷內政, 然後只出肉木兵(輕騎槍仔)去幫隊友做炮灰
有金就傳比自己友(我手殘控兵能力低, 出金兵晒料~_~)

另外順便講一講, WAR3 同 AOC 係唔同種形嫁(講正規戰)
AOC 主要係著重戰術, 因為佢可以有大量科技研發
控兵為副, AOC 打起上泥一人成百隻兵...你控得幾多....

而WAR3 就相反, 主控兵副戰術,
WAR3 既兵相比AOC 係好貴
資源又少, 如果WAR3 比人清晒軍隊就好難返身
而且不少兵都有技能可用,
兵又唔會多, 好易控, 仲有英雄玩添=V=
而戰術方面, 就係點樣用有限既人口組織最強(各自認為)既軍隊
同埋何時進攻及設置防禦等

熾烈紫龍

AOC係我初中時既美滿回憶，Ｅ＋諗番起真係好懷念

記得第一次玩，就係玩威廉華勒斯既關（姐係教學ＬＯ）

初上手就被那股節奏明快的戰鬥所吸引

然後繼而爆了聖女和席德等關卡

最後才步上聯機之路

果陣係一班ＦＤ叫我玩，咁我就暫時放下了ｒａ２，陪佢地顛下

點知顛顛下又幾過癒

新手果陣就緊係同ｆｄ一齊打電腦ｌａ

玩得耐左就開始玩對打

仲學識埋城快同黑快等戰略

如果你問我ｅ＋既技術係點，我諗都算係中手掛

玩左咁多年，最好玩都係同佢地由黑暗打到帝王，見著自己既國家一步步衰亡或興起

有時比人狂攻既時候真係襟制襟到手軟

唉，時代變ｌａ，雖然冇玩ａｏｃ好耐，但係ｅ＋玩好多ＲＴＳ　ＧＡＭＥ都玩唔番當年玩ＡＯＣ既果種感覺！

Erika﹏軒

Mr7 琴晚都仲同你吹緊水...估唔到咁快你就做左版主  唉 ...唔識人啦....xdd(講笑)

呢隻game...又係同同學係網吧玩....係2 3 年前..
我用過好多時間研究兵種相剋果d關係...
我玩呢隻game 好少用遊俠
因為呢隻兵唔會剋到其他兵
所以我覺得冇咩用...又要多金同肉...升級費又貴

我鍾意玩西班牙...d騎馬火槍好正...打步兵=秒....
如果人地用騎兵衝埋黎...就一定要走!!!
搵d戟兵上....哈...之後再射...爽...一隊平戟兵換人一隊遊俠...
不過西班牙火槍兵我發現有個剋星...就係果d連弩...
我初初以為火槍幾下射死佢一隻啦...點知...連弩真係射得好快
以慢打快唔掂...
唔同搵戟兵去打咩...
所以我通常整左幾部投石車....投石車一出...佢對連弩唔見左一半:L
打步兵一樣掂...不過會傷埋自己友

西班牙d野真係幾正
不過我都唔係好勁...玩aoc...
因為我d對手只係得我d 同學...未試過同其他人玩過
所以我未係好知自己既實力去到邊...加上已經好耐冇玩lu...
不過我都夠打敗我d同學

唯一件我仲記得既事...因為我地玩全地圖視野
我曾經偷偷運兩部投石車過去...
秒左人地一隊雙手劍士 同 一隊連弩兵
真係好鬼好笑...

不過呢d只能夠變成回憶了...大家都冇再玩aoc...
就算再去返網吧...都唔會再玩...而且都少左好多人玩...:(
正如 aoc 入面d 文明一樣...
曾經都有興旺既時候...
但果d文明既結果都係會末落...
就好似aoc一樣:(

cocacola_

我玩aoc個時代...
仲係白日夢,傲神峰 稱霸個個年代...
所謂既城快封快...我只係識城快...
可惜因為個陣...我操作唔太掂...
而且唔夠狠,淨係識守...被虐超慘的...
如果可以比我下載番aoc...我真係想改下自己d打法...
打機咁耐...得呢隻有遺憾

遊戲感受嗎...
相比起yuri,war3黎講,節奏可謂超慢
微操作需求都比war3低
呢隻game玩既比較著重於資原控制
兵種相剋(真係剋得好犀利)
戰術都唔太重要(個陣多數都係1v1城快/不限戰術)不限多數都玩封的了
鬥既係點打人經濟,殺村
而自己經濟點可以支持到
同war3唔同,war3比較著重於最終大戰時既操作
雖然都有擾敵的動作,不過擾黎講aoc係最多的
不停咁搵人地採資原既地方,不停殺村
呢隻game出兵太易,人口太多
微操作顯得不太重要,只要兵比人多,仲駛乜操作
30隻點控都打唔贏50隻的game
不過對戰面大,可能同時幾個地方開戰,一不留神就會比人攻到入去屠農都唔知
整體黎講就係一隻比較易玩既戰略game

Noob﹏邂逅

我之前在vlan中玩aoc係未輸過咁制
但係耐冇玩
e+升城要18分鐘了
之前最快14xD
玩開匈奴城快的