相信連日黎 大家都知道團內團外都發生左好多事
包括一軍接連失利 而副團長-鍵亦宣告退團
一切一切對團既影響都唔少
而由於依家既一軍已經潰不成軍 短時間內亦好難恢復團內外既運作
例如內戰、對外既團戰都已經做唔到
我諗一軍既各位.. 亦有好多野要去考慮
所以我在此宣佈
| LoSeR | 暫時停止內外活動 時限一個月
我希望係呢一個月時間比自己諗下
依家既 | LoSeR | 比我既意義 究竟係d乜
仲有冇值得我所留戀 仲有冇存在既價值
係一個過去既快樂名詞 定抑或係一個為自己添上負累既名詞 又抑或...
同時亦比一段時間 各位認真去考慮下、諗下
究竟 | LoSeR | 仲值唔值得你留低?
而你 亦應唔應該留係 | LoSeR | ?
你想 | LoSeR | 比到d咩你? 而你又比到d咩野 | LoSeR | ?
你有冇將個心放係 | LoSeR |?
要搞好一個團真係唔簡單
如果單單只係搞好一軍相對就少好多煩憂
但我希望每一個入左 | LoSeR | 既 都可以融入 | LoSeR |
不過結果 係好多人入左 | LoSeR | 之後 就繼續做陌路人 作個掛名團員
所以這一個月
好希望大家認真諗下 究竟入黎 | LoSeR | 為左做乜
好既一面諗 一個月後 | LoSeR | 可以捲土重來 比以往更加成形 名副其實一個強團
而壞既 當然就係面臨解團既命運
點都好 就算結果係點 我都唔會後悔
其實抉擇權 並唔係我 單單一位團長手上
而係每一位團員既手入面
PS:
一、係呢一個月期間 大家如果想參加2000fun既比賽 可以自行組隊參與
假如全屬 | LoSeR | 團 可以用 | LoSeR | 既名義參與 但事先請知會我
二、入團者可以係星期五(晚)、六、日繼續搵我測試入團 (星期一至四很少會上)
三、雖然暫停運作 但大家有事可以繼續搵我傾訴 亦可繼續搵我玩 友誼不會跟著停
四、時限既長短 我係考慮過 請大家尊重我既決定
係呢段時間 如果有人想離團 可以直接係msn向我提出 我唔會責怪任何人
[
本帖最後由 SmileBoy 於 2011-5-12 21:57 編輯 ]