由於近日新手當道,雖然本人淨係玩左3~4日,但係都有d所謂既心得。
遊戲中按5有接銲槍同注射槍選擇
首先請下補血,當手持注射槍,右下方的子彈數會變成一個數值,未用過補血係100
當你對自己友補血只需走近,再左click右下方數值會減少~20,隊友同時回到~20HP,右下方數值就自動回復
偵有幫自己友回血係有3~4蚊賺(睇落去好似冇用,但係每round幫人補十幾廿次呢,都可以買多幾排彈la)
最後,同自己補血係按滑鼠中間那個轉軸??只要禁一下就可以幫自己回血~20,不過個人強烈建議自己一個走佬先好用
因為,補自己血右下方數值係會清0,同時數值少於50係冇法幫隊友補血
關於接銲方面,因為聽過勁多有mic既人都話唔識拆門,所以係到請一下
拆門只需手持接銲槍,對住門禁滑鼠中間那個轉軸??就ok
我估銲門應該唔使教o瓜
,記住唔好銲曬兩度門
只後講下一d本人有用過既eq,本人係升狙擊個邊
本人只通常用沙漠之鷹,m99,lever action rifle(獵槍)
其實我唔認為雙槍有咩問題,有d用mic既有日話咪用雙槍就話冇子彈,但我認為係個人控制問題
m99一開始即有,建設單槍時用右click瞄準慢射,別見到炮灰怪就狂開槍,純粹浪費子彈
如果,遇到黑位置的地圖,給m99預留少量子彈,因為得m99同$500ghotgun先可以加電筒照明
雙槍m99,我既瞄準方法係開電筒,對住最光個個位當準星,記住雙槍別用右click瞄準,又難瞄行得慢又俾怪劈
而沙漠之鷹最好別用單一枝,我常用係分兩round買一枝,用bug好似減4kg負重
雙槍沙漠之鷹通常用黎玩近爆
而$200既獵槍就夠實用,中或遠距離就用右click瞄準爆頭
到分析一下每隻怪既特性:
炮灰兵:正如名字一樣,被抓一下大約拘5hp,建設用黎練習刀仔殺怪法,所有槍都能一下爆頭死,但別被3~4隻圍住
盡量做到有攻擊的節奏
PS.被爆頭有一定機率(別問我多少,估計~20%)非即時死亡,大約5~8秒會自然死亡,到附近亂抓/亂跑,害怕被抓就用刀仔捅兩下
大肥佬:手持殺豬刀的大肥佬,通常用嘔吐物攻擊,中招者會視野模糊~5秒,好似近身先斬人
而行得慢同大份,有時會幫你阻一下怪都幾好
PS.被爆頭有一定機率(別問我多少,估計~20%)非即時死亡,大約5~8秒會自然死亡,而嘔吐物由食道噴出,都盡量別埋身打(除非係佢後面劈佢)
人:個人認為更似蜘蛛俠?只會在中距離,用彈跳攻擊,只需攻擊一兩下即死
PS.被爆頭後即死(應該)
獨臂刀客:到中距離會快跑前進攻擊,有一定hp值,只需邊退後邊開槍就劈唔到你
PS.被爆頭有一定機率(別問我多少,估計~20%)非即時死亡,大約5~8秒會自然死亡,有一定攻擊性,害怕就用刀仔補兩下
隱者:整隻game唯一一種女性怪物,攻擊低,hp少,只有移動速度較快為特點,雖然係'隱形'但係係光既位見到有d黑線
同埋留意地下d影就ok,因為真係好顯眼,唔打佢都唔得
PS.被爆頭後即死(應該)
電鋸男:攻擊力中上,移速偏低,血量高,見到盡量清空四周,因為血量下降至一定水平,移速便會上升(大約與獨臂刀客差不多)
攻速有少量提高,個人打法先用rifle打,之後用雙槍沙漠之鷹近爆,亦見到有唔少人用$500shotgun打,因為打中會令到怪向後退
PS.好似未見過被爆頭情況??
神經病人士:只會在中距離發出聲波攻擊,會持續拘2hp,只要對准就算個螢幕搖緊都可以繼續開槍
准boss:分黃燈同紅燈
黃燈:攻擊力中上,移速普通,血量極高,短時間~7秒內打中3~4下都唔會變紅燈
紅燈:攻擊力極高(有避彈衣兩下ko,冇既滿血可能一下死,或者得番2~4hp),移速極高
PS.最好拖住黃燈情況下打,如果中距離見到紅燈,請馬上換刀仔走佬,最後,請有mic人士見到呢隻怪請提醒新人別亂開槍
因為經常被誤中副車,被打死
Boss:最後個round最後先出黎
血量應該係950,其他未知,因為通常一出黎,個個都用手榴彈,跟住就係煙霧中消失左
真係輕輕的佢來了,正如輕輕的佢走了
最後講d廢話,C係蹲低,\係dum武器
有d房打三十幾個人,成日都聽到d人開mic係咁爆粗叫人買完野快d出黎,跟住實有人頂住
係到我想請你預左咁多人實有人買唔到野,你又糟咩姐,聽你把聲就知你發緊脾氣,但係又知唔知大把人聽到你把聲都想發脾氣!?
買唔到野不如早d出去執子彈la,我覺得買野d人最好走到最入先買lol,咪買完野又想走又頂住曬
真係最後,如何kick走萬惡的粉腸速成班
當你入左一個二三十個人既場,見到得番一個VS五百幾隻怪真係想爆粗,條友睇佢又打得好開心,又唔自殺
呢個時候就要禁Esc,再禁Kick Voting,雙按條友個名
最最最後,超憎d人開london個場用bug,都唔知有咩好玩,差唔多有一半都開呢個場
用bug買槍,個人只用沙漠之鷹既bug,狂買槍感覺上冇用,又超負重,行到成隻龜咁,開槍時好爽,之後喊住入彈
game個名係Marvin,見到可以say個hi
本人純粹個人意見
[
本帖最後由 marvinhk 於 2009-5-20 14:12 編輯 ]