尕叶

呢個故事係發生響一名讀中二既女仔身上~女仔本性天真活潑,好動,讀書都唔錯的~有一日,跟學校去一年一度既旅行,地點係郊區既地方(=_=成6,7年前聽,太細節既野真係唔記得喇) ~抵達目的地,有人燒野食,有人三五成群圍埋傾計~而呢個女仔就連同幾個同學去另一個較少人既地方玩捉迷藏~就響玩得興高采烈既時候,呢個女仔就就聽到啪一聲,好似踼到d野咁~於是佢就向地下一望...原來佢踼到一個放於路邊既金塔(即盛載骨灰果d)~可能佢地仲細,根本就唔知果d係咩黎~有理無理就繼續玩啦~到日落西山~全體校生回程之際,個女仔亦無大礙的.
但當佢返到屋企之後~怪事就黎喇~原本活潑,多言既女孩~父母見佢好似成個人變哂咁~唔食野,唔多出聲,開頭父母不意為意,以為女兒只係功課壓力大或玩得太累o者~過左幾日個情況梗加嚴重~女仔既性格開始變得爆燥,父母就問女兒發生咩事呀~點知個女仔連把聲都變埋一把男人既沙聲~
男鬼: 你個女踼到我住既地方~就連一句對唔住都無講就走左去~我好嬲~一定要帶佢落去陪我~!!
呢個時候,佢既父母心知不妙喇,相信自己女兒可能鬼上身~於是就經朋友口中請黎一位法師上門~希望可以替女兒趕走果隻野啦~法師入到屋,望左個女仔一陣~就同佢既父母講~
法師: 你個女既情況好危險~如果再遲d恐怕真係連我都救唔到佢~
父母: 點算呀~法師~你一定要救下我個女呀~!!
法師: 好在,而家仲有機會救得返佢的~我而家將一道符貼去佢身後既長髮上面~(當然法師係同果位鬼上身既女仔經過一輪摶鬥啦~~!)記住~響今晚十二點前,你千祈唔好比道符甩落黎~如果唔係果隻男鬼就會帶走佢既喇~呢次係唯一亦係最後既機會~記住我所講既野~!!!(法師交帶過後就離去了~)
當道符貼左上女仔身上之後~個女仔就暈左~父母看著大鐘~時間一分一秒咁過~而女身亦已暈左接近2個鐘~就響呢個時候~大鐘上顯示出11:45~女兒終於醒來~而且意識亦慢慢恢復過來~聲線亦變返女兒本來既聲音~女兒就問~女兒: 究竟發生咩事呀~點解我覺得自己訓左好耐咁既~好似好多日都未食過野咁tim呀~媽媽呀~我而家好肚餓呀~
父母見女身已經恢復過黎~當然滿心歡喜~但唔想比女兒知道佢鬼上身~只係講左個大話呃女兒話佢今日先去完旅行返黎~
父母: 係呀~可能今日去完旅行返黎太累了~咪覺得自己訓左好耐囉~如果你肚餓~我地就同你落街食野啦~你入房換件衫先啦~!
女兒: 嗯~咁我入房換衫先啦~!(如是者~個女仔就入房換衫~準備跟父母落街食野~當個女仔梳頭既時候....就比佢摸到自己既頭髮上有一張符...於是就拎住道符出去問佢父母~
女兒: 媽媽~呢張咩黎嫁~????
父母望一望女兒手上既符~再睇下大鐘~當時既時間只係11:55~(仲有五分鐘先到12:00呀~~!)即時內心一酸~一時間唔知應該講咩好~最後~就哭住咁同個女講~
父母: 呢張係咩都唔重要喇~阿女..........爸爸媽鎷同你落去食埋最後一餐啦.....................(當然女兒唔明白父母為何會哭~梗加唔明咩係最後一餐啦~當父母跟女兒去到食野既地方~個女仔只係飲第一啖水~就吐左好多血出黎~父母哭著叫白車~白車雖到了~但在送院途中~個女仔証實死亡~!!
當我聽完個故事~真係第一次聽鬼故會聽到心酸~覺得好多野都係整定~命運早已有安排最可悲既係因父母一時疏忽,開心過早~並唔為自己女兒正在梳頭~就係咁間接將女兒害死呢~



好感動.....

Mp.

只差5分鍾就過埋下半年...但..
有點不甘既感覺

尕叶

引用:

原帖由 Mp. 於 2012-3-30 20:27 發表
只差5分鍾就過埋下半年...但..
有點不甘既感覺

是喔...........那 真的疏忽了

xGodBlessYoux

一時疏忽
一世內疚

A-Lin☆

父母出自好心-0-都無心
怪5哂

ˊΗοneyβˇ

甘大意佢老豆老母= =