和庭

個情況係咁，雖然我唔知關唔關火牛事。但都講下成個過程。


我部腦大約係上星期突然開唔到機，咁我拎左部腦去電腦舖整。
師傅Check左係火牛壞左，咁幫我換左個新既。(原火牛430w(好似係咁上下)/新火牛620w/唔知資料有冇用但講左出黎先)
咁返到屋企正常用到部腦仲同朋友玩左成晚Pay Day 2添。


點知‧‧‧
第二日放工返到屋企，開唔到機喎。
撳完個開機制佢會著大約1秒然後熄燈，隔2秒再著然後又熄燈‧‧‧
咁我以為又壞機啦，拎去電腦舖度諗住又整。但部機係電腦舖度可以正常開機喎。


返到屋企我試過呢幾種方法都仲係會著一著燈然後熄。
1.除左電源線外所有線唔插
2.用新火牛送果條電源線
3.用我細佬部腦條電源線(佢部機可正常開機，但我部唔得)
4.用單一插座(用返平時電視獨享既果個)


而家真係好苦惱，因為我有好多工作上既野都會係屋企做。用唔到電腦真係好煩，希望幫手研究下。

【配置】
CPU：I7 2600
DISPLAY：MSI GF 560TI
底板：ASUS P8H61-M (型號唔肯定係咪真係呢塊，但上官網睇過咁多塊。呢塊係同我印象最近。)
RAM：KINGSTON DDR3 8GB X 2 (幾多頻唔記得，總之好BASIC)
火牛：Antec HCG-620M 620 W
OS：WIN 7 64BIT


我上網查過好多類似案例，有人話電壓、有人話隻牛同底板撞左。其實我都唔係好清楚，不過部腦換左牛第一晚的確係玩到，而拎去電腦舖度又的確可以開到機。


唉，總之就好頭痛啦。請幫幫手分析下。
順便求8000或10000蚊左右打機list(請分開8000及10000)，主玩fps或動作類(crysis、gta 5作準)。

[ 本帖最後由 和庭 於 2013-8-26 17:34 編輯 ]

alan_wong8

你都試左幾多情況.
咁樣問一問就算換左細佬個火牛去電腦到都係著唔到機?

試下唔好用顯示同少一條RAM 著機.
如果電壓問題, 換左電制位, 同電線基本都無問題. 火牛撞主板-.-"呢個一定係呃人-.-"

深紅血狐

個人認為list跟反你e個 gpu再換個gtx760就夠如果想平反小小就650

7171

個帖好似係邊到見過

和庭

引用:

原帖由 alan_wong8 於 2013-8-26 18:20 發表
你都試左幾多情況.
咁樣問一問就算換左細佬個火牛去電腦到都係著唔到機?

試下唔好用顯示同少一條RAM 著機.
如果電壓問題, 換左電制位, 同電線基本都無問題. 火牛撞主板-.-"呢個一定係呃人-.-" ...

電制位點換？係咪要請水電師傅上黎？工程會唔會好大？
(雖然我知各位唔係水電師傅，但我而家真係好無助。我直情諗住砌新機算，但又諗過如果我砌完新機都一樣會有呢個情況點好呢‧‧‧)

引用:

原帖由 7171 於 2013-8-26 22:39 發表
個帖好似係邊到見過

我係好多地方都貼過，因為我真係好無奈。但又搵唔到問題的源頭。

[ 本帖最後由 和庭 於 2013-8-27 09:38 編輯 ]

ksleung

會唔會只係底板受潮?

和庭

搞到心都灰。

vlan砌機有冇得用信用卡或eps付款？

和庭

我再係網上搵到好多類似問題既解決資訊。

有人話我呢個情況用濾波拖板即可解決，但我亦查到呢隻火手本身係有濾波功能(但唔知兩者係唔係一樣)。

問題回顧及推理：
之前壞機換左牛第一晚的確係可以開機，第二晚就出問題。
如果以濾波角度睇，即係我屋企有某d電器或裝置係果段期間出現大磁場干擾而令我無法係屋企開機？

alan_wong8

引用:

原帖由 和庭 於 2013-8-27 09:36 發表
電制位點換？係咪要請水電師傅上黎？工程會唔會好大？
(雖然我知各位唔係水電師傅，但我而家真係好無助。我直情諗住砌新機算，但又諗過如果我砌完新機都一樣會有呢個情況點好呢‧‧‧)

我係好多地方都貼過，因為我真係好無奈。 ...

我意思係插蘇位.
換你細佬電腦既火牛去你部機有冇試過?

砌新機都有機會再出現你既情況.

點解唔拎部機黎VLAN SHOP 望望?
如果係瀘波問題, 點解你細佬無事? 買個瀘波拖板唔貴... 問題係有冇用

最後VLAN SHOP 買機係無得用VISA , MASTER, EPS 付款.

和庭

引用:

原帖由 alan_wong8 於 2013-8-28 17:44 發表
我意思係插蘇位.
換你細佬電腦既火牛去你部機有冇試過?

砌新機都有機會再出現你既情況.

點解唔拎部機黎VLAN SHOP 望望?
如果係瀘波問題, 點解你細佬無事? 買個瀘波拖板唔貴... 問題係有冇用

最後VLAN SHOP 買 ...

我屋企近九成蘇位都插過，情況如舊。
我唔係唔想拎部機黎vlan shop，不過我已經拎過去幾間電腦店都可以開到機。係未清楚問題原因前我都唔係太想搬部機去太遠(我住柴灣)。而我亦都偏向懷疑係屋企電力供應裝備有問題(例如插蘇、fuse或其他)。

今晚我會去埋同一座大廈但唔同單位試下開唔開到機。如果仲係咁我真係砌新機算。

vlan shop有冇分期付款？(本來我一向都一筆過畀錢，而電腦亦冇乜必要分期，不過最近真係駛唔少錢係呢部機度，呢筆錢真係分分鐘可以砌部新機。)呢個真係純粹問下

[ 本帖最後由 和庭 於 2013-8-28 18:37 編輯 ]

alan_wong8

如果你識用電錶, 可以試用電錶去CHECK. 如果唔係你再買部機黎, 都有同一個問題就唔好啦=.="

你細佬部機配置係咩?如果唔係差太遠, 係電既問題既話, 正常佢都會有問題.係咪-.-?所以唔好太武斷.

無得分期.

和庭

尋晚放工諗住返到屋企拆我細佬個火牛出黎試啦，點知一返到屋企見到佢部機散哂。
唔知佢係壞機定清潔，心諗天助我也唔駛我拆佢部機。
但同一時間唔知點解我潛意識叫我試下開自己部機，咁我去開啦。開到機喎！

如果咁推斷，即係我細佬部機同我部機有磁場問題？
又定係本身我果邊本來電波唔穩，尋晚好返呢？(因為我有寫信去港燈問)

今朝見我細佬又用部電腦，即係佢係清潔啦。
唔知今晚我又開唔開得返機，好多謎團。

不過其實我都打算砌部新機，事關要玩d高質game我都覺得力不從心。諗住有多少少錢砌，預最多12000蚊左右。到時應該搵你地研究list兼砌埋，估計10月左右啦。

alan_wong8

LIST 既野, 後話啦

定係你屋企電壓唔夠推起兩部機 以前有冇試過?

和庭

引用:

原帖由 alan_wong8 於 2013-8-29 10:56 發表
LIST 既野, 後話啦

定係你屋企電壓唔夠推起兩部機 以前有冇試過?

我同細佬部機都係大約兩年前砌，一直相安無事。
直至前星期啦。

我最初其中一個懷疑既問題成因係屋企電壓，但諗諗下連冷氣、雪櫃、洗衣機都可以同時郁到又未必係屋企既供輸電設備問題(即插蘇、電箱)。所以果陣都有諗過會唔會係座大廈電壓(或我果層)不穩所致。所以寫左信去港燈問。
但唔肯定係唔係真係電壓令我開唔到機，我想今晚再試下兩部腦可唔可以同時開。
順便問問如果用690/770/780級數果d卡係咪一定要用水冷？

[ 本帖最後由 和庭 於 2013-8-29 11:08 編輯 ]

alan_wong8

如果係咁電未必有問題, 因為冷氣同雪櫃, 最扯電既都無事...應該無問題~

唔一定, 視乎你想點.