hamsterod1

更新建議By WaL仔Hi我係WaL仔 (同馬雪影再世Colour一齊開台既廢J)
重返信長差唔多2個月，見到新作者Aoba好努力咁更新而且又會聽人意見，真係好開心
係到講下少少我對部份英雄/裝備/整體遊戲體驗既更新建議
10個人打機10個都有唔同既見解，希望講出黎大家可以持開放態度討論，作者再決定採納與否。

A.整體遊戲體驗
目前我認為信長最大既兩個問題係
1.後期好易出現疆局，好難GG，導致遊戲時間過長
2.輔手獲得既金錢/經驗值實在太少

好多時爆左兵營之後，如果施金雙總1波G唔到，因為無兵食就會拖好耐，起馬要農番15-20分鐘cp先夠兵力等總同施金再攻過。另一方面，逆風果隊又因為出唔到去，所以無機會攻，變相兩邊都只能夠等人攻，可以話係極悶。
另外，輔手既錢同Lv實在少得可憐，前期低3-4lv係基本，去到中後期好多時低8-10lv。如果加上逆風，好多時玩成粒鐘，完場都係得吹、石、隱刀。
我個人覺得其實1場Game如果超過75分鐘，實在係太長，而且遊戲性亦都變到好低

所以針對以上兩點，我建議
1. 當一方擊破敵軍兵營後，獲得的犒賞(金錢+兵力)提高40% (可疊加,3兵營=120%) 補償番無兵出又搞勁耐既問題
2. 騎兵營、兵營直接收入 $650>250，全隊收入$400>600
3. cp所獲得的經驗值及金錢隨遊戲時間提昇 (30分鐘大概係目前1.5倍，60分鐘會係2倍)
4. 復活時間1-10lv不變，11lv後每等級+4 >每等級+3 (以25lv為例，舊復活時間100秒，新復活時間85秒
    (後期死一次真係等到訓著教先復活，好鬼悶)
   
改動之後估計輔手一場大約會多$3000-5000，平均高2lv左右

英雄
峰須賀正勝
敏英>智英，或者至少基礎智慧提高3-4點
1技550直傷，可以改做500傷+30持續傷，持續5秒，傷害有視魔免，但中左開魔水解唔到持續傷(更加配合大技毒死人)

JJ佬而家buff完其實幾好用，但係問題係佢連放一套完整技既魔都唔夠用，作為輔手如果要出多個魔鋼前期又好拖裝。其實根本好少人玩攻裝JJ，索性直接改做智英仲好。如果真係想保留既，至少加番少少智比佢等佢夠魔用

長宗我部元親
1技耗魔[140/160/180/200] > [120/130/140/150]
2技持續時間16秒>12秒，CD 60秒>45秒

長宗係我自己回歸以黎玩得最多既英之一。佢缺魔既程度去到後期都一樣即使有回魔鋼都係唔夠魔用，而且有回魔既裝備又少之有少，變相個回魔鋼根本唔賣得換其他神裝。另一方面，佢招E技又係屈得好誇張開左基本上秒唔到，但同時我覺得一招少技60秒CD又係太變態，同時改短持續時間同cd時間應該可以平衡番少少。

裝備

陣太刀
option 1 太刀1600>1300 ，能量鋼$1700>1650 咁樣件裝同之前比總共平左$550
option 2 合成公式增加靈活之鞋，新增效果 每次普攻能增加自身4點靈活，最多疊加5次，持續6秒) (類似Lol既鬼索，不過唔肯定war3有冇呢招基底)

陣太作其實作為部份敏英既過渡裝係好唔錯既選擇，特別係風魔、九鬼、森仔、最上，槍神等等不過而家cp值實在太低

叮叮甲
合成公式改為 回魔鋼+魔法護符+兜，能力相應改變

其實有冇留意到回魔鋼除左魔兜同平蛛係無裝合。其實9成洗兵英都要出回魔，而且同時好多人都會出叮叮防輔手，呢兩樣野如果可以合埋一齊其實係好好用。如果怕太屈既話，可以將兜>胴丸/短甲/其他甲，咁樣應該會無咁勁。

毒弓

增加合成公式[太刀+魔力鋼+血色寶石]($4300/$4600 視乎太刀有冇降價)
靈活30>45
魔力 500>400
毒弓呢件裝我覺得如果cp值高d，其實係適合比1D秒殺向/半攻法既敏英用 (eg 加仔/風魔/宗茂)，加上如果佢有得合上去唔係一件過既話，就會易出好多

[ 本帖最後由 hamsterod1 於 2018-11-8 12:08 編輯 ]

梁穎璇輔手

首先解答一下點解有D會員係信長之野望版留唔到言/開唔到POST

主要係有一期論壇太多人開分身嘴炮招滅===團,為左唔影響論壇討論風氣及品質

所以IPVE set 左積分滿10(唔知有冇記錯) / 特定用戶組先可以留言



基本上述兩點我都係表示唔太認同

1.其實目前meta對比於F132B/S125C甚至112B既版本,遊戲節奏已經快左好多
街場黎講其實普遍係45~65分鐘左右GG,以前信長講緊起碼都1個鐘up
主要問題在於玩家識唔識活用總攻推塔
至於5fd打5fd,甚至所謂強團vs強團,我覺得1個半鐘頭內都係可以接受

2.輔手經濟經驗問題
其實暫時黎講我覺得算合理,但如果你話用主力英cp就一定唔夠

暫時節奏好(T1?) CP英我覺得係
道三 , 松久 , 加仔 , 直江 ETC

節奏慢(難清CP)既輔手
阿松 正信 立花道雪 ETC

主要個分別在英雄可唔可以係頭2LV單刷下忍團
因為下忍團係一個好大既經驗值
如果刷唔到下忍既CP英只可以兩個方法
1.電兩次 (但電卷CD期間大機會俾人搶走)
2.吸路經(但好大機會俾隊友插)
但節奏始終都係唔及T1CP英



1. 其實如果爆左2/3個750 ,已經係贏緊視野  成個CP區拎晒 ,我覺得還可以 , 主要係玩家end game 能力問題

2&4 合理,但都係睇返作者點

同埋總結你提出既改動之中,有兩個核心問題

1. cp區其實好多輔手食完頭兩波, 後面都會俾晒主力食 ,咁改只會令主力肥得更快
除非可以解決到定位問題 (e.g 英雄聯盟 打野刀) 但目前所知應該係解決唔到

2. 兵營要爆話易唔易,話難唔難, 除非一次過改晒 (e.g 爆4塔前750無敵)


所以暫時你提出既係buff唔到輔手 buff左落主力度

同埋遊戲節奏問題  我覺得唔大




其實前幾個版做英雄平衡個陣已經有加左智力俾佢

雖然暫時都未玩過,但相信係比以前版本玩得順手

同埋佢定位我覺得偏打路洗兵型唔似輔手 ,好似阿松咁




1技buff 耗魔同cd 我覺得都合理

2技就唔得,佢招技咁勁 , 改到80秒我覺得都可以 ,改成45秒  打線無腦開  

仲有關於回魔問題, 我諗到既解決方法係 將1技重製, 將傷害改成同火甲唔撞 ,順便解決回魔問題




其實陣太刀同毒弓最主要問題唔係cp值低

係佢地既屬性/技能唔吃香 , 陣太刀出件裝加多少少血 ,俾隻輔手捉一捉咪又係死

如果俾我揀我寧願出血甲/吸血刀

毒弓招技真係廢到...4千幾我不如等多兩千出毒泉/**不良詞語**地...etc 俾佢好既裝實在太多

除非改到cp值好高好高/重製  唔係呢兩件裝相信都係唔會有人出  

原來睇錯左丁甲;P

[ 本帖最後由 梁穎璇輔手 於 2018-11-8 21:52 編輯 ]

AoBa.

First of all, 感謝提出意見, 我都講下自己ge意見

PS: 以下全為個人意見，並不代表HK版地圖組立場

--------------------分隔線--------------------
A.整體遊戲體驗

1.後期好易出現疆局，好難GG，導致遊戲時間過長

其實係一系列強化攻擊裝備ge改動之下，其實已經加快左遊戲進度
當然唔排除都會有疆局，但係發生ge情況真係減少左
現時先作觀望，如果之後覺得疆局情況要改善，先會再唸方法解決

當然，如果係後期加強兵力獲得ge速度其實都係好事 (可以令出兵進攻次數增加，同時要睇對方清兵能力)
PS: 下一版毒泉是會nerf的 (清兵能力上)，至於點nerf就先賣個關子

2.輔手獲得既金錢/經驗值實在太少

錢GE方而，的確係
但係經驗值，好睇輔手殺唔殺到人 - 高殺人數輔手唔會有等差問題...
而且輔手通常都係有極高控制能力ge英，唔似主力輸出力同裝備成正比

我想遊戲係以輔手+駐路英雄配合殺人為主
唔會想大量提升輔手收入
我一直以黎都覺得"得妖風者得天下"
又或者唔想阿市呢D可以太易就疊血甲...

而且爆裂彈已經減價，目的就係想減少輔手壓制駐路英ge成本，加快佢地上裝備ge速度
暫時先維持輔手係"以有限成本對敵人作出最大壓制"ge 定位 - 唔會大幅改善輔手收入

--------------------分隔線--------------------
所以針對以上兩點，我建議
1. 當一方擊破敵軍兵營後，獲得的犒賞(金錢+兵力)提高40% (可疊加,3兵營=120%) 補償番無兵出又搞勁耐既問題
3. cp所獲得的經驗值及金錢隨遊戲時間提昇 (30分鐘大概係目前1.5倍，60分鐘會係2倍)

有考慮過類似(1) ge野，但係不支持呢D改動，我唔想信長太過"堅尼系數太高"

2. 騎兵營、兵營直接收入 $650>250，全隊收入$400>600

信長係團隊性遊戲，其實咁樣改唔錯

4. 復活時間1-10lv不變，11lv後每等級+4 >每等級+3 (以25lv為例，舊復活時間100秒，新復活時間85秒

研究下，我有個唸法係類似的，未來都想改復活時間
(公式: 自身等級x2 + 遊戲已進行的分鐘)

--------------------分隔線--------------------
峰須賀正勝

加左基礎智慧，又減少左1技用魔量，暫時都唔會再改
其實我覺得唔洗因為某D英係接技英/輔手向就一定要改智慧形英雄
只要係技能組合理就得

長宗我部元親


1技減少用魔 - 的確有需要
其實好多HK版改動都係靠有人提出又覺得合理先會改，峰須賀正勝加基礎智慧其實都係咁樣


至於長CD時間的2技，唔洗因為長CD而改吧...
只要係合適又有用就OK
唔一定因為CD過長而改短吧? e.g. 太原E，足利W

--------------------分隔線--------------------
陣太刀
option 2 合成公式增加靈活之鞋，新增效果 每次普攻能增加自身4點靈活，最多疊加5次，持續6秒) (類似Lol既鬼索，不過唔肯定war3有冇呢招基底)

idea唔錯，但係疊靈活好似唔係咁好...
唔想有成本低又有極高靈活加成GE裝備...
會唸下類似咁GE改法

叮叮甲

2千頭GE防死裝備，物有所值
同時唔想能力太全面，防死之餘仲可以幫你洗兵
就好似點解我要將法輪改為大衣(抗法裝備)
就係唔想防死裝備比極多魔力加成比人洗兵易肥

毒弓

會考慮減價同增加合成公式
但係不贊成單一件裝備靈活加成加超過30
其實靈活1點加2%攻速同加0.33裝甲，數值太多會比靈活英abuse

不過毒弓同陣太，better to重制......



[ 本帖最後由 AoBa. 於 2018-11-8 22:52 編輯 ]

Misuki

昨天跟SKYMA學玩PUBG
他問到我有沒有得透露下版改什麼

其實我懶得講
但更主要想講既係, 目前真係對作者同地圖組99%信任
所以平時開會我就咁睇過就唔回應
更何況, 作者反應如此快, 就算出事都會即刻改.

獨愛喵

我覺得復活時間一定要改
而且可以增加擊殺獎金(以LV黎計)，遊戲時間30分鐘後生效
基底$300
公式係
擊殺者LV - 被擊殺者LV x $50
例如一個22lv 既人殺左26lv 既人，佢得到既錢係=300+50(26-22)=$500
22LV既人殺左22LV既人，佢得到既錢係=$300
22LV既人殺左21LV既人，佢得到既錢都係=$300
咁樣得唔得?

Misuki

信長LEVEL好似冇LOL咁重要

獨愛喵

引用:

原帖由 hamsterod1 於 2018-11-8 10:25 發表
另外，輔手既錢同Lv實在少得可憐，前期低3-4lv係基本，去到中後期好多時低8-10lv。

係想解決 低LV 又無錢既問題
就算逆風都有得翻盤既機會

Misuki

增加輔手收入係好危

因為我地開會時我都有分享過2013年英雄傳的經驗.
當時增加了很多 "分錢" 的方法

結果做成輔手都可以輕易買到 黑風
變成很難爆到大本