早兩日想玩韓服見到google search第一個就係呢間鬥士工作室咪入去買個自定義帳號。
第一次自己唔識打打下覺得lag就中斷VPN重連，結果比韓服封左，呢個自己衰啦，咁我唯有再去買多個帳。
結果呢就因為我比email個陣打錯左一隻字就受氣比佢**不雅**，我去買野然後我比人**不雅**，詳情下面有哂圖自己睇。
呢度啱啱比完錢佢send帳號密碼比我啦，然後我登入改密碼個陣見到個個驗證email唔係自己嘅，因為我唔係第一次買帳，我知道我email入面應該要有韓國 riot send比我嘅message。咁我check完email發現無然後上面又顯示唔係我嘅email我咪去問下咩事。
然後我得到嘅回覆係「乖啦」丶「去check email」。
1.佢完全無解答我嘅問題
2.佢語氣好輕浮
我就驚自己get錯韓文意思將個網轉左做英文，大家都見到佢寫(Enter the code we've emailed to fxh*****@d****.net)
我已經同左佢講唔係我email，而且我已經check過email係完全無個驗證碼嘅。呢個時間我自己都唔知道自己打錯左email比佢，而佢就不停重覆叫我check email。
然後我直接同佢講check左email無，反問佢洗唔洗比埋個email account佢 check。佢仲諗住收錢去check email「有嘅話係咪比$100佢」。呢個時候我已經好唔耐煩，問佢問題就淨係識叫人check email，依家我買完野有疑問問佢呢個唔係你嘅責任咩？解決買家問題反而話要收多$100去 check email ? 跟住我就影相send哂我email入面最近嘅所有電郵（包括垃圾郵件）比佢睇話無email。
跟住佢發現左問題啦，係我打錯左email嘅一隻字，我當時先知道自己打錯左，亦都即刻講左打錯字係自己問題，但係賣家態度大家有目共睹。「自己未知係咪自己柒之前唔好又問號又問人識唔識英文」，係呢度問問大家係咪成世都無打錯過字？如果我知道自己打錯字嘅話我一早就同你講打錯左比返個啱嘅你。
呢度我同賣家講我一早check左email無我先同佢講有問題，得到嘅回覆只係check email同check email。上面亦提及過我唔係第一次買，知道要點做，但係賣家只係覺得我無check清楚而唔係有其他問題發生。
件事去到呢度我大概明白佢一開始註冊左個韓國帳號，然後將個帳號嘅email轉做我個email，要去新嘅email個度確認左先至有得改密碼因為驗證碼會send去新嘅email個度，btw呢啲大部分都係我自己諗而賣家係無解釋過。所以一開始個個轉email嘅信就send唔到去我個email度。
呢度賣家可能中文能力比較差啦，我個陣用Siri錄音轉字所以無標點符號佢睇唔明，以為我話佢應該意識到我打錯字，事實句子係「我打錯字我唔知道」。然後我就係度**不雅**佢態度惡劣，佢竟然有面話自己心平氣和叫我check email。喂大佬你呢句都講得出？心平氣和係邊我完全見唔到。
然後佢繼續發癲**不雅**客，「無人天才過你，可以比錯email」，然後佢話返我轉頭話我比錯email仲要**不雅**佢，睇黎佢完全唔知道自己係態度有問題，比錯email我亦都再次重申係我問題但係同佢嘅態度係兩回事。然後佢話已經免費幫我send驗證信唔明我仲係度**不雅**咩，睇得出賣家完全唔覺得自己態度有問題。買之前都驚出事所以有上網search過啦，知道有人話黑店但係得好少數咁我又買過所以咪無理，因為之前無其他問題所以佢比完account我就無再搵佢。但係真係估唔到原來呢間野態度可以咁差，邏輯可以話幾乎0，EQ亦都係。上面睇到佢覺得免費send多次就可以乜都得唔洗理，我預左要比錢受氣嘅。
咁我覺得佢態度差同收唔收錢亦都係兩回事，就好似你去食飯啲野食難食唔代表可以唔比錢嘅道理。咁都即刻比左錢，而賣家態度繼續正常發揮。
依家我連係佢個度買嘅第二個帳都log in唔到，唔同第一次被封，被封都log in到只係會彈個message出黎話你已經被封帳，但今次係連入密碼都入唔到，以呢間鋪頭嘅態度我覺得佢拎返個帳都唔出奇，如果有其他受害人希望可以telegram我，ID:Endyx，一個受害人警方未必會立案。
[
本帖最後由 endywongxx 於 2020-8-20 02:49 編輯 ]
